ﻣﺎﮨﻨﺎﻣﮧ ﺩﺍﺭﺍﻟﻌﻠﻮﻡ ، ﺷﻤﺎﺭﮦ 11-10 ، ﺟﻠﺪ : 96 ، ﺫﯼ ﺍﻟﺤﺠﮧ 1433 ﮨﺠﺮﯼ، ﻣﺤﺮﻡ 1434 ﮨﺠﺮﯼ ﻣﻄﺎﺑﻖ ﺍﮐﺘﻮﺑﺮ - ﻧﻮﻣﺒﺮ 2012 ﺀ
ﮐﺮﺳﯽ ﭘﺮ ﻧﻤﺎﺯ ﮐﯽ ﻓﻘﮩﯽ ﺗﺤﻘﯿﻖ
ﺍﺯ : ﻣﻔﺘﯽ ﻣﺤﻤﺪﺷﻌﯿﺐ ﺍﻟﻠﮧ ﺧﺎﮞ ﺟﺎﻣﻌﮧ ﺍﺳﻼﻣﯿﮧ ﻣﺴﯿﺢ ﺍﻟﻌﻠﻮﻡ، ﺑﻨﮕﻠﻮﺭ
ﺍﻟْﺤَﻤْﺪُ ﻟِﻮَﻟِﯿِّﮧ ﻭَﺍﻟﺼَّﻼَﺓُ ﻋَﻠٰﯽ ﻧَﺒِﯿِّﮧ ﻭَ ﻋَﻠٰﯽ ﺁﻟِﮧ ﻭَﺃﺻْﺤَﺎﺑِﮧ ﺃﺟْﻤَﻌِﯿْﻦَ، ﺃﻣّﺎ ﺑﻌﺪ !
ﺁﺝ ﮐﻞ ﻣﺴﺎﺟﺪ ﻣﯿﮟ ﮐﺮﺳﯿﻮﮞ ﮐﺎ ﺭﻭﺍﺝ ﻋﺎﻡ ﮨﻮﺭﮨﺎ ﮨﮯ ﺍﻭﺭﻟﻮﮒ ﻋﺬﺭ ﺳﮯ ﯾﺎ ﺑﻼﻋﺬﺭ ﮐﮯ ﮐﺮﺳﯿﻮﮞ ﮐﻮ ﻧﻤﺎﺯ ﮐﮯ ﻟﯿﮯ ﺍﺳﺘﻌﻤﺎﻝ ﮐﺮﺭﮨﮯ ﮨﯿﮟ ﺍﻭﺭ ﻭﺍﻗﻌﮧ ﯾﮧ ﮨﮯ ﮐﮧ ﮐﺮﺳﯽ ﭘﺮ ﻧﻤﺎﺯ ﭘﮍﮬﻨﮯ ﮐﺎ ﺭﻭﺍﺝ ﺍﺑﮭﯽ ﺍﺑﮭﯽ ﭼﻨﺪ ﺳﺎﻟﻮﮞ ﺳﮯ ﺷﺮﻭﻉ ﮨﻮﺍ ﮨﮯ، ﺍﺱ ﺳﮯ ﭘﮩﻠﮯ ﺑﮭﯽ ﻟﻮﮒ ﺑﯿﻤﺎﺭ ﮨﻮﺗﮯ ﺗﮭﮯ ﺍﻭﺭ ﺍﻋﺬﺍﺭ ﺍﻥ ﮐﻮ ﺑﮭﯽ ﻻﺣﻖ ﮨﻮﺗﮯ ﺗﮭﮯ؛ ﻣﮕﺮ ﮐﺒﮭﯽ ﻟﻮﮔﻮﮞ ﮐﻮ ﮐﺮﺳﯽ ﭘﺮ ﻧﻤﺎﺯ ﮐﯽ ﻧﮩﯿﮟ ﺳﻮﺟﮭﯽ۔
ﺍﮐﺜﺮ ﺩﯾﮑﮭﻨﮯ ﻣﯿﮟ ﺁﯾﺎ ﮨﮯ ﺍﻭﺭ ﺳﻨﺎ ﺑﮭﯽ ﺟﺎﺗﺎ ﮨﮯ ﮐﮧ ﻟﻮﮒ ﺍﭼﮭﮯ ﺧﺎﺻﮯ ﮨﯿﮟ، ﭼﻠﻨﮯ ﭘﮭﺮﻧﮯ، ﺍﭨﮭﻨﮯ، ﺑﯿﭩﮭﻨﮯ ﮐﯽ ﻗﻮﺕ ﭘﻮﺭﯼ ﻃﺮﺡ ﺭﮐﮭﺘﮯ ﮨﯿﮟ،ﺍﻭﺭ ﺍﭘﻨﮯ ﮔﮭﺮﻭﮞ ﺳﮯ ﭼﻞ ﮐﺮ ﺁﺗﮯ ﮨﯿﮟ؛ ﻣﮕﺮ ﻧﻤﺎﺯ ﮐﮯ ﻭﻗﺖ ﺧﻮﺩ ﮨﯽ ﮐﺮﺳﯽ ﮐﮭﯿﻨﭻ ﮐﺮ ﺍﺱ ﭘﺮ ﻧﻤﺎﺯ ﭘﮍﮬﺘﮯ ﮨﯿﮟ۔ ﯾﮧ ﺻﻮﺭﺕ ﺣﺎﻝ ﺍﺱ ﺑﺎﺕ ﮐﻮ ﺳﻤﺠﮭﻨﮯ ﮐﮯ ﻟﯿﮯ ﮐﺎﻓﯽ ﮨﮯ ﮐﮧ ﻟﻮﮔﻮﮞ ﻣﯿﮟ ﺗﮑﺎﺳﻞ ﻭﺗﻐﺎﻓﻞ ﮨﮯ ﺍﻭﺭ ﻧﻤﺎﺯ ﮐﯽ ﺍﮨﻤﯿﺖ ﺳﮯ ﻭﮦ ﺑﮯ ﺧﺒﺮ ﮨﯿﮟ؛ ﻟﮩٰﺬﺍ ﺍﻥ ﮐﻮ ﺗﻮﺟﮧ ﺩﻻﻧﮯ ﮐﯽ ﺿﺮﻭﺭﺕ ﮨﮯ۔
ﺍﻭﺭ ﺍﺱ ﺳﮯ ﺍﻧﮑﺎﺭ ﻧﮩﯿﮟ ﮐﮧ ﺑﻌﺾ ﺍﻟﻠﮧ ﮐﮯ ﺑﻨﺪﮮ ﻭﺍﻗﻌﯽ ﻋﺬﺭ ﺍﻭﺭ ﺷﺪﯾﺪ ﻣﺠﺒﻮﺭﯼ ﻣﯿﮟ ﮐﺮﺳﯿﻮﮞ ﮐﺎ ﺍﺳﺘﻌﻤﺎﻝ ﮐﺮﺗﮯ ﮨﯿﮟ ﺍﻭﺭ ﺍﻥ ﮐﺎ ﯾﮧ ﻋﺬﺭ ﺷﺮﻋﯽ ﻭﻣﻌﻘﻮﻝ ﮨﻮﺗﺎ ﮨﮯ، ﺍﻭﺭ ﺁﺝ ﮐﻞ ﻗﻮﯼٰ ﮐﯽ ﮐﻤﺰﻭﺭﯾﻮﮞ ﺍﻭﺭ ﻧﺌﯽ ﻧﺌﯽ ﻗﺴﻢ ﮐﯽ ﺑﯿﻤﺎﺭﯾﻮﮞ ﻧﮯ ﺍﺻﺤﺎﺏِ ﺍﻋﺬﺍﺭ ﮐﯽ ﺑﮭﯽ ﺑﮩﺘﺎﺕ ﮐﺮﺩﯼ ﮨﮯ۔
ﺍﻟﻐﺮﺽ ! ﺍﯾﮏ ﺟﺎﻧﺐ ﺩﯾﻦ ﺳﮯ ﻏﺎﻓﻞ ﺍﻭﺭﻻﭘﺮﻭﺍﮦ ﻟﻮﮒ ﮨﯿﮟ ﺟﻮ ﺑﻼﻭﺟﮧ ﻭ ﺑﻼ ﻋﺬﺭ ﻣﺤﺾ ﺗﻦ ﺁﺳﺎﻧﯽ ﻭﻻﭘﺮﻭﺍﮨﯽ ﺳﮯ ﺍﻭﺭ ﻏﻔﻠﺖ ﻭﺳﺴﺘﯽ ﮐﯽ ﺑﻨﺎ ﭘﺮ ﯾﺎ ﻣﺤﺾ ﺷﻮﻗﯿﮧ ﯾﺎ ﻓﺎﺧﺮﺍﻧﮧ ﻃﻮﺭ ﭘﺮ ﻧﻤﺎﺯ ﮐﮯ ﻟﯿﮯ ﮐﺮﺳﯿﻮﮞ ﮐﺎ ﺍﺳﺘﻌﻤﺎﻝ ﮐﺮﻧﮯ ﻟﮕﮯ ﮨﯿﮟ، ﺗﻮ ﺩﻭﺳﺮﯼ ﺟﺎﻧﺐ ﺍﻥ ﺣﻀﺮﺍﺕ ﮐﯽ ﺑﮭﯽ ﺍﯾﮏ ﺑﮍﯼ ﺗﻌﺪﺍﺩ ﭘﺎﺋﯽ ﺟﺎﺗﯽ ﮨﮯ ﺟﻦ ﮐﮯ ﺩﻟﻮﮞ ﻣﯿﮟ ﺍﻟﻠﮧ ﮐﺎ ﮈﺭ ﻭ ﺧﻮﻑ ﺍﻭﺭ ﺍﺣﮑﺎﻡ ﺍﻟٰﮩﯽ ﮐﯽ ﻋﻈﻤﺖ ﻭﺟﻼﻟﺖ ﻣﻮﺟﻮﺩ ﮨﮯ ﺍﻭﺭ ﻭﮦ ﺑﮭﯽ ﮐﺮﺳﯿﻮﮞ ﮐﺎ ﺍﺳﺘﻌﻤﺎﻝ ﮐﺮﺗﮯ ﮨﯿﮟ؛ ﻣﮕﺮ ﺍﺱ ﻭﺟﮧ ﺳﮯ ﮐﮧ ﻭﮦ ﻭﺍﻗﻌﯽ ﻣﻌﺬﻭﺭ ﻭﻣﺠﺒﻮﺭ ﮨﯿﮟ۔
ﺍﺱ ﺻﻮﺭﺕ ﺣﺎﻝ ﻣﯿﮟ ﻋﻠﻤﺎﺀ ﻭﻣﻔﯿﺎﻥ ﮐﺮﺍﻡ ﮐﯽ ﺫﻣﮧ ﺩﺍﺭﯼ ﮨﮯ ﮐﮧ ﻭﮦ ﺍﻣﺖ ﮐﻮ ﺍﺱ ﺳﻠﺴﻠﮯ ﻣﯿﮟ ﺻﺤﯿﺢ ﻭﻏﻠﻂ ﺍﻭﺭﺍﭼﮭﮯ ﻭﺑﺮﮮ ﮐﯽ ﺗﻤﯿﺰ ﺑﺘﺎﺋﯿﮟ ﺍﻭﺭ ﺷﺮﯾﻌﺖ ﮐﯽ ﺭﻭﺷﻨﯽ ﻣﯿﮟ ﺍﺱ ﮐﮯ ﺍﺣﮑﺎﻡ ﮐﻮ ﻭﺍﺿﺢ ﮐﺮﯾﮟ ﺍﻭﺭ ﺷﺮﯾﻌﺖ ﮐﮯ ﻭﺻﻒ ﺍﻣﺘﯿﺎﺯﯼ ” ﺍﻋﺘﺪﺍﻝ “ ﮐﻮ ﭘﯿﺶ ﻧﻈﺮ ﺭﮐﮭﺘﮯ ﮨﻮﺋﮯ ﭘﮩﻠﯽ ﻗﺴﻢ ﮐﮯ ﻟﻮﮔﻮﮞ ﮐﯽ ﺑﮯ ﺍﻋﺘﺪﺍﻟﯿﻮﮞ ﭘﺮ ﺗﻨﺒﯿﮧ ﮐﮯ ﺳﺎﺗﮫ ﺳﺎﺗﮫ ﻭﺍﻗﻌﯽ ﻋﺬﺭ ﺭﮐﮭﻨﮯ ﻭﺍﻟﻮﮞ ﮐﮯ ﻟﯿﮯ ﺷﺮﯾﻌﺖ ﮐﯽ ﻋﻄﺎ ﮐﺮﺩﮦ ﺳﮩﻮﻟﺘﻮﮞ ﮐﻮ ﭘﯿﺶ ﮐﺮﯾﮟ؛ ﺗﺎﮐﮧ ﺍﺻﺤﺎﺏ ﺍﻋﺬﺍﺭ ﺍﻥ ﺳﮯ ﻣﻨﺘﻔﻊ ﮨﻮﺳﮑﯿﮟ۔
ﺯﯾﺮ ﻧﻈﺮ ﺗﺤﺮﯾﺮ ﺍﺳﯽ ﻣﺴﺌﻠﮯ ﮐﯽ ﺗﺤﻘﯿﻖ ﮐﮯ ﻟﯿﮯ ﻟﮑﮭﯽ ﮔﺌﯽ ﮨﮯ ﺍﻭﺭ ﺍﺱ ﻣﯿﮟ ﮨﻢ ﻧﮯ ﺍﺱ ﮐﮯ ﺩﻭﻧﻮﮞ ﭘﮩﻠﻮﺅﮞ ﮐﻮ ﻭﺍﺿﺢ ﮐﯿﺎ ﮨﮯ؛ ﺗﺎﮐﮧ ﺍﻓﺮﺍﻁ ﻭ ﺗﻔﺮﯾﻂ ﮐﯽ ﺭﺍﮨﻮﮞ ﺳﮯ ﺍﻟﮓ ﺍﻋﺘﺪﺍﻝ ﮐﮯ ﺭﺍﺳﺘﮯ ﭘﺮ ﻗﺎﺋﻢ ﺭﮨﯿﮟ۔ ﻭﺍﻟﻠﮧ ﺍﻋﻠﻢ۔
ﻣﺤﻮﺭﺍﻭّﻝ : ﺑﻼﻋﺬﺭ ﮐﺮﺳﯽ ﭘﺮ ﻧﻤﺎﺯ ﻧﺎﺟﺎﺋﺰ ﮨﮯ
ﮐﺮﺳﯽ ﭘﺮ ﺑﯿﭩﮫ ﮐﺮ ﻧﻤﺎﺯ ﭘﮍﮬﻨﮯ ﮐﮯ ﺑﺎﺭﮮ ﻣﯿﮟ ﮨﻤﺎﺭﯼ ﺑﺤﺚ ﮐﮯ ﺗﯿﻦ ﻣﺤﻮﺭ ﮨﯿﮟ : ﺍﯾﮏ ﯾﮧ ﮐﮧ ﺑﻼﻋﺬﺭ ﮐﺮﺳﯽ ﭘﺮ ﻧﻤﺎﺯ ﮐﺎ ﺣﮑﻢ، ﺩﻭﺳﺮﮮ ﻋﺬﺭ ﻣﻌﻘﻮﻝ ﮐﯽ ﻭﺟﮧ ﺳﮯ ﮐﺮﺳﯽ ﭘﺮ ﻧﻤﺎﺯ ﮐﺎﺟﻮﺍﺯ، ﺍﻭﺭ ﺍﺱ ﮐﮯ ﺷﺮﺍﺋﻂ ﻭﻗﯿﻮﺩ، ﺍﻭﺭ ﺗﯿﺴﺮﮮ ﮐﺮﺳﯽ ﭘﺮ ﻋﺬﺭ ﮐﯽ ﻭﺟﮧ ﺳﮯ ﺟﻮﺍﺯ ﮐﯽ ﺩﻟﯿﻞ۔
ﻟﮩٰﺬﺍ ﺳﺐ ﺳﮯ ﭘﮩﻠﯽ ﺑﺎﺕ ” ﮐﺮﺳﯽ ﭘﺮ ﺑﻼﻋﺬﺭ ﻧﻤﺎﺯ ﮐﮯ ﺣﮑﻢ “ ﮐﮯ ﺑﺎﺭﮮ ﻣﯿﮟ ﻋﺮﺽ ﮨﮯ ﮐﮧ ﺑﻼﻋﺬﺭِ ﻣﻌﻘﻮﻝ ﮐﺮﺳﯽ ﭘﺮ ﺑﯿﭩﮫ ﮐﺮ ﻧﻤﺎﺯ ﭘﮍﮬﻨﺎ ﻧﺎﺟﺎﺋﺰ ﮨﮯ، ﺍﻭﺭ ﺍﺱ ﮐﯽ ﮐﺌﯽ ﻭﺟﻮﮨﺎﺕ ﮨﯿﮟ :
ﻋﺪﻡ ﺟﻮﺍﺯ ﮐﯽ ﭘﮩﻠﯽ ﻭﺟﮧ :
ﺍﯾﮏ ﻭﺟﮧ ﯾﮧ ﮨﮯ ﮐﮧ ﻧﻤﺎﺯ ﻣﯿﮟ ﻗﯿﺎﻡ ﻭﺭﮐﻮﻉ ﻭﺳﺠﺪﮦ ﻓﺮﺍﺋﺾ ﻣﯿﮟ ﺩﺍﺧﻞ ﮨﯿﮟ، ﺍﻭﺭ ﺑﻼ ﻋﺬﺭ ﺍﻥ ﻣﯿﮟ ﺳﮯ ﮐﺴﯽ ﮐﻮ ﭼﮭﻮﮌ ﺩﯾﻨﮯ ﺳﮯ ﻧﻤﺎﺯ ﻧﮩﯿﮟ ﮨﻮﺗﯽ،ﺍﻭﺭ ﮐﺮﺳﯽ ﭘﺮ ﻧﻤﺎﺯ ﭘﮍﮬﻨﮯ ﻭﺍﻻ ﺍﻥ ﺗﻤﺎﻡ ﻓﺮﺍﺋﺾ ﮐﻮ ﭼﮭﻮﮌ ﺩﯾﺘﺎﮨﮯ، ﻗﯿﺎﻡ ﮐﯽ ﺟﮕﮧ ﮐﺮﺳﯽ ﭘﺮ ﺑﯿﭩﮭﺘﺎ ﮨﮯ ﺍﻭﺭ ﺭﮐﻮﻉ ﻭﺳﺠﺪﮦ ﺩﻭﻧﻮﮞ ﮐﻮ ﭼﮭﻮﮌ ﮐﺮ ﻣﺤﺾ ﺍﺷﺎﺭﮮ ﺳﮯ ﺍﻥ ﮐﻮ ﺍﺩﺍ ﮐﺮﺗﺎ ﮨﮯ، ﺗﻮ ﺍﺱ ﮐﯽ ﻧﻤﺎﺯ ﮐﯿﺴﮯ ﮨﻮﺳﮑﺘﯽ ﮨﮯ؟ ﻟﮩٰﺬﺍ ﺟﻮ ﻟﻮﮒ ﺑﻼﻋﺬﺭ ﻣﻌﻘﻮﻝ ﮐﺮﺳﯽ ﭘﺮ ﻧﻤﺎﺯ ﭘﮍﮬﺘﮯ ﮨﯿﮟ، ﻭﮦ ﺍﭘﻨﯽ ﻧﻤﺎﺯﻭﮞ ﮐﻮ ﺿﺎﺋﻊ ﮐﺮﺭﮨﮯ ﮨﯿﮟ، ﺍﻭﺭ ﯾﮩﺎﮞ ﯾﮧ ﻟﻮﮒ ﺳﻤﺠﮭﺘﮯ ﮨﯿﮟ ﮐﮧ ﮨﻢ ﻧﮯ ﺗﻮ ﻧﻤﺎﺯﯾﮟ ﭘﮍﮬﯽ ﮨﯿﮟ؛ ﻟﯿﮑﻦ ﺟﺐ ﺍﻟﻠﮧ ﮐﮯ ﯾﮩﺎﮞ ﭘﮩﻨﭽﯿﮟ ﮔﮯ ﺗﻮ ﺍﻥ ﮐﮯ ﻧﺎﻣﮧٴ ﺍﻋﻤﺎﻝ ﺍﺱ ﺳﮯ ﺧﺎﻟﯽ ﮨﻮﮞ ﮔﮯ؛ ﻟﮩٰﺬﺍ ﺍﯾﺴﮯ ﻟﻮﮒ ﺫﺭﺍ ﭨﮭﻨﮉﮮ ﺩﻝ ﺳﮯ ﻏﻮﺭ ﮐﺮﯾﮟ ﮐﮧ ﺍﮔﺮ ﻗﯿﺎﻣﺖ ﮐﮯ ﺩﻥ ﻧﻤﺎﺯ ﮐﯽ ﻣﺤﻨﺖ ﮐﺮﻧﮯ ﮐﮯ ﺑﺎﻭﺟﻮﺩ ﮨﻤﺎﺭﺍ ﻧﺎﻣﮧٴ ﺍﻋﻤﺎﻝ ﻧﻤﺎﺯ ﺳﮯ ﺧﺎﻟﯽ ﮨﻮﺗﻮ ﮐﯿﺎ ﮨﻮﮔﺎ؟
ﻋﺪﻡ ﺟﻮﺍﺯ ﮐﯽ ﺩﻭﺳﺮﯼ ﻭﺟﮧ :
ﺩﻭﺳﺮﮮ ﯾﮧ ﮐﮧ ﻧﻤﺎﺯ ﺩﺭﺍﺻﻞ ﺍﻟﻠﮧ ﺗﻌﺎﻟﯽٰ ﮐﯽ ﻋﻈﯿﻢ ﮨﺴﺘﯽ ﮐﮯ ﺳﺎﻣﻨﮯ ﺑﻨﺪﮮ ﮐﯽ ﺑﻨﺪﮔﯽ، ﻋﺎﺟﺰﯼ ﻭﺍﻧﮑﺴﺎﺭﯼ ﮐﺎ ﻧﺎﻡ ﮨﮯ ﺍﻭﺭ ﺍﻟﻠﮧ ﮐﯽ ﺟﻼﻟﺖ ﮐﮯ ﺭﻭﺑﺮﻭ ﺧﺪﺍ ﮐﮯ ﻏﻼﻡ ﮐﯽ ﺗﻮﺍﺿﻊ ﻭﻓﺮﻭﺗﻨﯽ ﺳﮯ ﻋﺒﺎﺭﺕ ﮨﮯ، ﺍﻭﺭ ﮐﺮﺳﯽ ﭘﺮ ﻧﻤﺎﺯ ﭘﮍﮬﻨﮯ ﮐﯽ ﺻﻮﺭﺕ ﻣﯿﮟ ﯾﮧ ﻣﻘﺼﺪ ﮨﯽ ﻓﻮﺕ ﮨﻮﺟﺎﺗﺎ ﮨﮯ؛ ﮐﯿﻮﮞ ﮐﮧ ﮐﺮﺳﯽ ﭘﺮ ﺑﯿﭩﮭﻨﮯ ﮐﯽ ﺣﺎﻟﺖ ﻋﻤﻮﻣﺎً ﻋﺎﺟﺰﯼ ﻭﺍﻧﮑﺴﺎﺭﯼ ﮐﯽ ﻧﮩﯿﮟ ﮨﻮﺗﯽ؛ ﺑﻠﮑﮧ ﺍﯾﮏ ﺣﺪ ﺗﮏ ﯾﮧ ﻣﺘﮑﺒﺮﺍﻧﮧ ﮨﻮﺗﯽ ﮨﮯ، ﻧﯿﺰ ﺍﮔﺮﻣﺘﮑﺒﺮﺍﻧﮧ ﻧﮩﯿﮟ ﮨﻮﺗﯽ ﺗﺐ ﺑﮭﯽ ﻋﺮﻑ ﻋﺎﻡ ﻣﯿﮟ ﺑﮍﻭﮞ ﮐﮯ ﺳﺎﻣﻨﮯ ﮐﺮﺳﯽ ﭘﺮ ﺑﯿﭩﮭﻨﺎ ﺑﮯ ﺍﺩﺑﯽ ﺳﻤﺠﮭﺎ ﺟﺎﺗﺎ ﮨﮯ، ﯾﺎ ﮐﻢ ﺍﺯ ﮐﻢ ﺧﻼﻑِ ﺍﺩﺏ ﺧﯿﺎﻝ ﮐﯿﺎ ﺟﺎﺗﺎﮨﮯ۔ ﺍﺏ ﻏﻮﺭ ﮐﯿﺠﯿﮯ ﮐﮧ ﮐﯿﺎ ﺍﻟﻠﮧ ﻋﺰ ﻭ ﺟﻞ ﮐﮯ ﺩﺭﺑﺎﺭِ ﻋﺎﻟﯽ ﺷﺎﻥ ﻭﺩﺭﮔﺎﮦ ﺑﮯ ﻧﯿﺎﺯ ﻣﯿﮟ ﺑﻼﻭﺟﮧ ﮐﺮﺳﯽ ﭘﺮ ﺑﯿﭩﮭﻨﺎ ﺍﭼﮭﺎ ﻣﻌﻠﻮﻡ ﮨﻮﺗﺎ ﮨﮯ؟ ﻟﮩٰﺬﺍ ﯾﮧ ﺻﻮﺭﺕ ﻧﻤﺎﺯ ﮐﯽ ﻣﻘﺼﺪﯾﺖ ﮐﮯ ﺧﻼﻑ ﮨﻮﻧﮯ ﮐﯽ ﻭﺟﮧ ﺳﮯ ﺑﮭﯽ ﻧﺎﺟﺎﺋﺰ ﮨﮯ۔
ﻋﺪﻡ ﺟﻮﺍﺯ ﮐﯽ ﺗﯿﺴﺮﯼ ﻭﺟﮧ :
ﺗﯿﺴﺮﮮ ﯾﮧ ﮐﮧ ﮐﺮﺳﯿﻮﮞ ﭘﺮ ﺑﯿﭩﮫ ﮐﺮ ﻋﺒﺎﺩﺕ ﮐﺮﻧﮯ ﻣﯿﮟ ﻏﯿﺮﻭﮞ ﺳﮯ ﻣﺸﺎﺑﮩﺖ ﭘﺎﺋﯽ ﺟﺎﺗﯽ ﮨﮯ؛ ﭼﻨﺎﻧﭽﮧ ﻋﯿﺴﺎﺋﯿﻮﮞ ﻣﯿﮟ ﺭﻭﺍﺝ ﮨﮯ ﮐﮧ ﻭﮦ ﺍﭘﻨﮯ ﭼﺮﭼﻮﮞ ﻣﯿﮟ ﮐﺮﺳﯿﻮﮞ ﭘﺮ ﻋﺒﺎﺩﺕ ﮐﺮﺗﮯ ﮨﯿﮟ، ﺍﻭﺭ ﯾﮧ ﺑﺎﺕ ﺍﺳﻼﻡ ﮐﯽ ﺍﮨﻢ ﺗﻌﻠﯿﻤﺎﺕ ﻣﯿﮟ ﺳﮯ ﮨﮯ ﮐﮧ ﻏﯿﺮﻭﮞ ﮐﯽ ﻣﺸﺎﺑﮩﺖ ﺍﺧﺘﯿﺎﺭ ﻧﮧ ﮐﯽ ﺟﺎﺋﮯ۔
ﺍﯾﮏ ﺣﺪﯾﺚ ﻣﯿﮟ ﮨﮯ ﮐﮧ ﺭﺳﻮﻝ ﺍﻟﻠﮧ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﻧﮯ ﻓﺮﻣﺎﯾﺎ ﮐﮧ : ” ﻣَﻦْ ﺗَﺸَﺒَّﮧَ ﺑِﻘَﻮْﻡٍ ﻓَﮩُﻮَ ﻣِﻨْﮩُﻢْ “ ( ﺟﺲ ﻧﮯ ﮐﺴﯽ ﻗﻮﻡ ﮐﯽ ﻣﺸﺎﺑﮩﺖ ﺍﺧﺘﯿﺎﺭ ﮐﯽ ﻭﮦ ﺍﻥ ﮨﯽ ﻣﯿﮟ ﺳﮯ ﮨﻮﮔﺎ ) ( ﺍﺑﻮﺩﺍﻭﺩ : ۴۰۳۳ )
ﺍﯾﮏ ﺍﻭﺭ ﺣﺪﯾﺚ ﻣﯿﮟ ﮨﮯ ﮐﮧ ﺭﺳﻮﻝ ﺍﻟﻠﮧ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﻧﮯ ﻓﺮﻣﺎﯾﺎ ﮐﮧ : ” ﻟَﯿْﺲَ ﻣِﻨَّﺎ ﻣَﻦْ ﺗَﺸَﺒَّﮧَ ﺑِﻐَﯿْﺮِﻧَﺎ، ﻻَ ﺗَﺸَﺒَّﮩُﻮْﺍ ﺑِﺎﻟْﯿَﮩُﻮْﺩِ ﻭَﻻَ ﺑِﺎﻟﻨَّﺼَﺎﺭٰﯼ؛ ﻓَﺎِﻥَّ ﺗَﺴْﻠِﯿْﻢَ ﺍﻟْﯿﮩُﻮْﺩِ ﺍﻟْﺎِﺷَﺎﺭَﺓُ ﺑِﺎﻷَﺻَﺎﺑِﻊِ، ﻭَﺗَﺴْﻠِﯿْﻢُ ﺍﻟﻨَّﺼَﺎﺭٰﯼ ﺍﻟْﺎِﺷَﺎﺭَﺓُ ﺑِﺎﻷَﮐُﻒِّ ․“
( ﻭﮦ ﮨﻢ ﻣﯿﮟ ﺳﮯ ﻧﮩﯿﮟ ﺟﻮ ﻏﯿﺮﻭﮞ ﺳﮯ ﻣﺸﺎﺑﮩﺖ ﺍﺧﺘﯿﺎﺭ ﮐﺮﮮ، ﺗﻢ ﯾﮩﻮﺩ ﺳﮯ ﻣﺸﺎﺑﮩﺖ ﻧﮧ ﮐﺮﻭ ﺍﻭﺭ ﻧﮧ ﻧﺼﺎﺭﯼ ﺳﮯ، ﯾﮩﻮﺩ ﮐﺎ ﺳﻼﻡ ﺍﻧﮕﻠﯿﻮﮞ ﮐﮯ ﺍﺷﺎﺭﮮ ﺳﮯ ﺍﻭﺭﻧﺼﺎﺭﯼ ﮐﺎ ﺳﻼﻡ ﮨﺘﮭﯿﻠﯿﻮﮞ ﮐﮯ ﺍﺷﺎﺭﮮ ﺳﮯ ﮨﻮﺗﺎ ﮨﮯ ) ( ﺗﺮﻣﺬﯼ : ۲۲۹۵ )
ﺣﻀﺮﺕ ﺍﺑﻦ ﻋﻤﺮ ﺭﺿﯽ ﺍﻟﻠﮧ ﻋﻨﮧ ﮐﯽ ﺭﻭﺍﯾﺖ ﻣﯿﮟ ﮨﮯ ﮐﮧ ﺭﺳﻮﻝ ﺍﻟﻠﮧ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﻧﮯ ﻓﺮﻣﺎﯾﺎﮐﮧ : ” ﺟُﺰُّﻭْﺍ ﺍﻟﺸَﻮَﺍﺭِﺏَ ﻭَﺃَﺭْﺧُﻮﺍ ﺍﻟﻠُّﺤٰﯽ، ﺧَﺎﻟِﻔُﻮْﺍ ﺍﻟْﻤَﺠُﻮْﺱَ “ ( ﻣﻮﻧﭽﮭﻮﮞ ﮐﻮ ﮐﭩﺎﺅ ﺍﻭﺭ ﺩﺍﮌﮬﯽ ﮐﻮ ﺑﮍﮬﺎﺅ،ﺍﻭﺭ ﻣﺠﻮﺳﯿﻮﮞ ﮐﯽ ﻣﺨﺎﻟﻔﺖ ﮐﺮﻭ ) ( ﻣﺴﻠﻢ : ۶۲۶، ﻣﻌﺮﻓﺔ ﺍﻟﺴﻨﻦ ﺑﯿﮩﻘﯽ : ۱/ ۴۴۰ ، ﻣﺴﻨﺪ ﺍﺑﻮ ﻋﻮﺍﻧﺔ : ۱/ ۱۶۱ )
ﺍﻥ ﺍﺣﺎﺩﯾﺚ ﺳﮯ ﻣﻌﻠﻮﻡ ﮨﻮﺍ ﮐﮧ ﺍﺳﻼﻡ ﻏﯿﺮﻭﮞ ﺳﮯ ﻣﺸﺎﺑﮩﺖ ﺍﺧﺘﯿﺎﺭ ﮐﺮﻧﮯ ﮐﮯ ﺳﻠﺴﻠﮯ ﻣﯿﮟ ﮐﺲ ﻗﺪﺭ ﺣﺴﺎﺱ ﻭﺍﻗﻊ ﮨﻮﺍ ﮨﮯ؟ ﺟﺐ ﺍﺳﻼﻣﯽ ﺷﺮﯾﻌﺖ ﻟﺒﺎﺱ ﻭﭘﻮﺷﺎﮎ،ﺍﻭﺭ ﺑﺎﻝ ﻭﮐﮭﺎﻝ ﺗﮏ ﻣﯿﮟ ﻏﯿﺮﻭﮞ ﮐﯽ ﻣﺸﺎﺑﮩﺖ ﮐﻮ ﭘﺴﻨﺪ ﻧﮩﯿﮟ ﮐﺮﺗﺎ ﺗﻮ ﻧﻤﺎﺯ ﺟﯿﺴﯽ ﺍﮨﻢ ﺗﺮﯾﻦ ﻋﺒﺎﺩﺕ ﺍﻭﺭ ﻣﻮٴﻣﻦ ﮐﯽ ﺯﻧﺪﮔﯽ ﮐﮯ ﺑﻨﯿﺎﺩﯼ ﻣﻘﺼﺪ ﮐﮯ ﺑﺎﺭﮮ ﻣﯿﮟ ﯾﮧ ﮐﯿﺴﮯ ﮔﻮﺍﺭﺍ ﮐﺮﺳﮑﺘﺎ ﮨﮯ ﮐﮧ ﻭﮦ ﻏﯿﺮﻭﮞ ﮐﮯ ﻃﻮﺭ ﻭﻃﺮﯾﻘﮯ ﮐﮯ ﻣﻄﺎﺑﻖ ﺍﻧﺠﺎﻡ ﺩﯾﺎ ﺟﺎﺋﮯ؟
ﻟﮩٰﺬﺍ ﺑﻼ ﻋﺬﺭ ﮐﺮﺳﯽ ﭘﺮ ﺑﯿﭩﮫ ﮐﺮ ﻧﻤﺎﺯ ﭘﮍﮬﻨﺎ ﻧﺎﺟﺎﺋﺰ ﮨﮯ، ﺍﻭﺭ ﺍﺱ ﻃﺮﺡ ﻧﻤﺎﺯ ﭘﮍﮬﻨﮯ ﻭﺍﻟﻮﮞ ﮐﯽ ﻧﻤﺎﺯ ﺑﺎﻟﮑﻞ ﺑﮭﯽ ﻧﮩﯿﮟ ﮨﻮﺗﯽ، ﺍﻭﺭ ﺍﺱ ﻃﺮﺡ ﭘﮍﮬﯽ ﮨﻮﺋﯽ ﻧﻤﺎﺯﯾﮟ ﺍﻥ ﮐﮯ ﺫﻣﮧ ﻋﻠﯽ ﺣﺎﻟﮧ ﺑﺎﻗﯽ ﺭﮨﺘﯽ ﮨﯿﮟ۔
ﻣﺤﻮﺭ ﺩﻭﻡ : ﻋﺬﺭﻣﻌﻘﻮﻝ ﮐﯽ ﻭﺟﮧ ﺳﮯ ﮐﺮﺳﯽ ﭘﺮ ﻧﻤﺎﺯ ﺟﺎﺋﺰ ﮨﮯ
ﺩﻭﺳﺮﯼ ﺑﺤﺚ ﯾﮧ ﮨﮯ ﮐﮧ ﻋﺬﺭ ﮨﻮﻧﮯ ﮐﯽ ﺻﻮﺭﺕ ﻣﯿﮟ ﮐﺮﺳﯽ ﭘﺮ ﺑﯿﭩﮫ ﮐﺮ ﻧﻤﺎﺯ ﭘﮍﮬﻨﮯ ﮐﺎ ﮐﯿﺎ ﺣﮑﻢ ﮨﮯ؟ ﮐﯿﺎ ﮐﺴﯽ ﺑﮭﯽ ﻋﺬﺭ ﻭﺗﮑﻠﯿﻒ ﻣﯿﮟ ﮐﺮﺳﯽ ﮐﺎﺍﺳﺘﻌﻤﺎﻝ ﻧﻤﺎﺯ ﮐﮯ ﻟﯿﮯ ﺟﺎﺋﺰ ﻧﮩﯿﮟ؟ ﯾﺎ ﮐﭽﮫ ﺷﺮﺍﺋﻂ ﻭﻗﯿﻮﺩ ﮐﮯ ﺳﺎﺗﮫ ﺟﺎﺋﺰ ﺑﮭﯽ ﮨﮯ؟
ﻣﺸﻘﺖ ﺳﮯ ﺍﺣﮑﺎﻡ ﻣﯿﮟ ﺗﺨﻔﯿﻒ :
ﯾﮧ ﺟﺎﻧﻨﮯ ﺳﮯ ﭘﮩﻠﮯ ﺍﯾﮏ ﺍﺻﻮﻟﯽ ﺑﺎﺕ ﺳﻤﺠﮫ ﻟﯿﻨﯽ ﭼﺎﮨﯿﮯ؛ ﺗﺎﮐﮧ ﺑﺎﺕ ﻭﺍﺿﺢ ﻭﺻﺎﻑ ﻃﺮﯾﻘﮧ ﭘﺮ ﺳﺎﻣﻨﮯ ﺁﺟﺎﺋﮯ۔ ﻭﮦ ﯾﮧ ﮐﮧ ﮨﻤﺎﺭﯼ ﺷﺮﯾﻌﺖ ﻧﮩﺎﯾﺖ ﻣﻌﺘﺪﻝ ﮨﮯ ﺟﺲ ﻣﯿﮟ ﻧﮧ ﺍﻓﺮﺍﻁ ﮨﮯ ﻧﮧ ﺗﻔﺮﯾﻂ؛ﺍﺱ ﻟﯿﮯ ﯾﮧ ﺑﺎﺕ ﺗﻮ ﯾﻘﯿﻨﯽ ﮨﮯ ﮐﮧ ﻋﺬﺭ ﻭﺗﮑﻠﯿﻒ ﮐﯽ ﺻﻮﺭﺕ ﻣﯿﮟ ﺍﺱ ﻣﯿﮟ ﺗﺨﻔﯿﻒ ﻭﺳﮩﻮﻟﺖ ﺩﯼ ﺟﺎﺗﯽ ﮨﮯ۔
ﭼﻨﺎﮞ ﭼﮧ ﺷﺮﯾﻌﺖ ﮐﮯ ﺍﺻﻮﻝ ﻣﯿﮟ ﺳﮯ ﺍﯾﮏ ﺍﺻﻮﻝ ﯾﮧ ﮨﮯ ﮐﮧ ﺍﺱ ﻧﮯ ﺑﯿﻤﺎﺭﯼ ﻭﺗﮑﻠﯿﻒ ﮐﻮ ﺗﺨﻔﯿﻒ ﺍﺣﮑﺎﻡ ﮐﺎ ﺳﺒﺐ ﻣﺎﻧﺎ ﮨﮯ۔
ﺍﺳﯽ ﮐﻮ ﻓﻘﮩﺎ ﯾﻮﮞ ﺑﯿﺎﻥ ﮐﺮﺗﮯ ﮨﯿﮟ ﮐﮧ :
” ﺍﻟْﻤَﺸَﻘَّﺔُ ﺗَﺠْﻠِﺐُ ﺍﻟﺘَّﯿْﺴِﯿْﺮَ “ ( ﻣﺸﻘﺖ ﺁﺳﺎﻧﯽ ﮐﺎ ﺑﺎﻋﺚ ﺑﻨﺘﯽ ﮨﮯ ) ( ﺍﻻﺷﺒﺎﮦ ﻭﺍﻟﻨﻈﺎﺋﺮ ﻻﺑﻦ ﻧﺠﯿﻢ : ۱/ ۷۵ ، ﺍﻻﺷﺒﺎﮦ ﻭﺍﻟﻨﻈﺎﺋﺮ ﻟﻠﺴﯿﻮﻃﯽ : ۱/ ۱۶۰ )
ﺍﻭﺭ ﯾﮧ ﻗﺎﻋﺪﮦ ﻓﻘﮩﯿﮧ ﻣﺘﻌﺪﺩ ﻗﺮﺁﻧﯽ ﻭﺣﺪﯾﺜﯽ ﻧﺼﻮﺹ ﺳﮯ ﺍﺧﺬ ﮐﯿﺎﮔﯿﺎﮨﮯ، ﺟﯿﺴﺎﮐﮧ ﻓﻘﮩﺎﺀ ﻧﮯ ﺛﺎﺑﺖ ﮐﯿﺎ ﮨﮯ۔ ﺍﻭﺭ ﻋﻠﻤﺎﺀ ﻧﮯ ﻟﮑﮭﺎ ﮨﮯ ﮐﮧ ﻋﺒﺎﺩﺍﺕ ﻣﯿﮟ ﺗﺨﻔﯿﻒ ﮐﮯ ﺳﺎﺕ ﺍﺳﺒﺎﺏ ﮨﯿﮟ،ﺍﻭﺭ ﺍﻥ ﻣﯿﮟ ﺳﮯ ﺍﯾﮏ ﻣﺮﺽ ﮐﻮ ﺑﮭﯽ ﻟﮑﮭﺎ ﮨﮯ۔ ( ﺍﻻﺷﺒﺎﮦ ﻭﺍﻟﻨﻈﺎﺋﺮ ﻻﺑﻦ ﻧﺠﯿﻢ : ۱/ ۷۵ ، ﺍﻻﺷﺒﺎﮦ ﻭﺍﻟﻨﻈﺎﺋﺮ ﻟﻠﺴﯿﻮﻃﯽ : ۱/ ۱۶۰ )
ﻣﺸﻘﺖ ﮐﮯ ﺩﺭﺟﺎﺕ ﻭﺍﺣﮑﺎﻡ :
ﻟﯿﮑﻦ ﯾﺎﺩ ﺭﮐﮭﻨﺎ ﭼﺎﮨﯿﮯ ﮐﮧ ﮨﺮ ﻗﺴﻢ ﮐﯽ ﺗﮑﻠﯿﻒ ﻣﺮﺽ ﺍﺱ ﺳﮯ ﻣﺮﺍﺩ ﻧﮩﯿﮟ ؛ ﺑﻠﮑﮧ ﻭﮦ ﻣﺮﺽ ﻭﺗﮑﻠﯿﻒ ﺟﺲ ﺳﮯ ﺍﻧﺴﺎﻥ ﮐﻮ ﺷﺪﯾﺪ ﭘﺮﯾﺸﺎﻧﯽ ﻻﺣﻖ ﮨﻮﺗﯽ ﮨﮯ، ﻭﺭﻧﮧ ﺗﮭﻮﮌﯼ ﺑﮩﺖ ﺗﮑﻠﯿﻒ ﺗﻮ ﮨﺮ ﮐﺎﻡ ﻣﯿﮟ ﮨﻮﺗﯽ ﮨﮯ، ﺣﺘﯽٰ ﮐﮧ ﺧﻮﺩ ﻧﻤﺎﺯ ﭘﮍﮬﻨﺎ ﺑﮭﯽ ﺍﯾﮏ ﻣﺸﮑﻞ ﮐﺎﻡ ﮨﮯ، ﺍﺳﯽ ﻃﺮﺡ ﺑﻌﺾ ﺍﻣﺮﺍﺽ ﺧﻔﯿﻔﮧ ﻣﯿﮟ ﺑﮭﯽ ﺗﮭﻮﮌﯼ ﺑﮩﺖ ﻣﺸﻘﺖ ﮨﻮﺗﯽ ﮨﮯ، ﺟﯿﺴﮯ ﺳﺮﺩﺭﺩ، ﯾﺎ ﻣﻌﻤﻮﻟﯽ ﺯﺧﻢ ﮐﯽ ﺗﮑﻠﯿﻒ ﻭﻏﯿﺮﮦ؛ ﻣﮕﺮ ﺍﻥ ﮐﯽ ﻭﺟﮧ ﺳﮯ ﺗﺨﻔﯿﻒ ﻧﮩﯿﮟ ﺩﯼ ﺟﺎﺗﯽ۔
ﺍﺳﯽ ﻟﯿﮯ ﻓﻘﮩﺎﺀ ﻧﮯ ﻟﮑﮭﺎ ﮨﮯ ﮐﮧ ﻣﺸﻘﺖ ﺩﻭ ﻗﺴﻢ ﭘﺮ ﮨﮯ : ﺍﯾﮏ ﻭﮦ ﻣﺸﻘﺖ ﺟﻮ ﻋﺒﺎﺩﺕ ﺳﮯ ﺍﮐﺜﺮﻭﺑﯿﺸﺘﺮ ﺟﺪﺍ ﻧﮩﯿﮟ ﮨﻮﺗﯽ، ﺟﯿﺴﮯ ﻭﺿﻮ ﻭﻏﺴﻞ ﻣﯿﮟ ﺳﺮﺩﯼ ﮐﯽ ﻣﺸﻘﺖ، ﺍﻭﺭ ﻃﻮﯾﻞ ﺩﻥ ﺍﻭﺭ ﺳﺨﺖ ﮔﺮﻣﯽ ﻣﯿﮟ ﺭﻭﺯﮮ ﺭﮐﮭﻨﮯ ﮐﯽ ﻣﺸﻘﺖ ․․․․․ ﭘﺲ ﺍﺱ ﻗﺴﻢ ﮐﯽ ﻣﺸﻘﺖ ﮐﺎ ﻋﺒﺎﺩﺍﺕ ﮐﮯ ﺳﺎﻗﻂ ﮨﻮﻧﮯ ﻣﯿﮟ ﮐﺴﯽ ﺑﮭﯽ ﻭﻗﺖ ﺍﻋﺘﺒﺎﺭ ﻧﮩﯿﮟ، ﺍﻭﺭ ﺭﮨﯽ ﻭﮦ ﻣﺸﻘﺖ ﺟﻮ ﻏﺎﻟﺐ ﻃﻮﺭ ﭘﺮ ﻋﺒﺎﺩﺍﺕ ﺳﮯ ﺟﺪﺍ ﮨﻮﺗﯽ ﮨﮯ، ﺍﺱ ﮐﮯ ﮐﺌﯽ ﻣﺮﺍﺗﺐ ﮨﯿﮟ : ﭘﮩﻠﯽ ﺑﮍﯼ ﺍﻭﺭ ﭘﺮﯾﺸﺎﻥ ﮐﺮﻧﮯ ﻭﺍﻟﯽ ﻣﺸﻘﺖ ﮨﮯ، ﺟﯿﺴﮯ ﺟﺎﻥ ﭘﺮ ﯾﺎ ﺍﻋﻀﺎﺀ ﭘﺮ، ﯾﺎ ﺍﻋﻀﺎﺀ ﮐﮯ ﻣﺘﻌﻠﻘﮧ ﻓﻮﺍﺋﺪ ﭘﺮ ﺧﻮﻑ ﮐﯽ ﻣﺸﻘﺖ، ﭘﺲ ﯾﮧ ﻣﺸﻘﺖ ﻣﻮﺟﺐِ ﺗﺨﻔﯿﻒ ﮨﮯ؛ ﺩﻭﺳﺮﯼ ﻣﻌﻤﻮﻟﯽ ﻭﮨﻠﮑﯽ ﻣﺸﻘﺖ، ﺟﯿﺴﮯ ﺍﻧﮕﻠﯽ ﻣﯿﮟ ﻣﻌﻤﻮﻟﯽ ﺩﺭﺩ ﮨﻮﻧﺎ، ﯾﺎ ﺳﺮ ﻣﯿﮟ ﻣﻌﻤﻮﻟﯽ ﺳﺎ ﭼﮑﺮ ﮨﻮﻧﺎ، ﯾﺎ ﻣﻌﻤﻮﻟﯽ ﺳﯽ ﻃﺒﯿﻌﺖ ﮐﯽ ﺧﺮﺍﺑﯽ، ﭘﺲ ﺍﺱ ﮐﺎ ﮐﻮﺋﯽ ﺍﺛﺮ ﻧﮩﯿﮟ ﺍﻭﺭ ﻧﮧ ﺍﺱ ﮐﺎ ﮐﻮﺋﯽ ﻟﺤﺎﻅ ﮨﻮﺗﺎ ﮨﮯ؛ ﺍﻭﺭ ﺗﯿﺴﺮﯼ ﺍﻥ ﺩﻭ ﮐﯽ ﺩﺭﻣﯿﺎﻧﯽ ﻣﺸﻘﺖ، ﺟﯿﺴﮯ ﺭﻣﻀﺎﻥ ﻣﯿﮟ ﺑﯿﻤﺎﺭ ﺁﺩﻣﯽ ﻧﮯ ﺭﻭﺯﮦ ﺭﮐﮭﻨﮯ ﺳﮯ ﻣﺮﺽ ﮐﮯ ﺑﮍﮪ ﺟﺎﻧﮯ ﮐﺎ ﺧﻮﻑ ﮐﯿﺎ، ﯾﺎ ﺑﯿﻤﺎﺭﯼ ﺳﮯ ﺩﯾﺮ ﺳﮯ ﺻﺤﺖ ﯾﺎﺏ ﮨﻮﻧﮯ ﮐﺎ ﺍﻧﺪﯾﺸﮧ ﮐﯿﺎ،ﭘﺲ ﺍﺱ ﮐﮯ ﻟﯿﮯ ﺭﻭﺯﮦ ﻧﮧ ﺭﮐﮭﻨﺎ ﺟﺎﺋﺰ ﮨﮯ ) ( ﺍﻻﺷﺒﺎﮦ ﻭﺍﻟﻨﻈﺎﺋﺮ ﻻﺑﻦ ﻧﺠﯿﻢ : ۱/ ۸۲ ، ﺍﻻﺷﺒﺎﮦ ﻭﺍﻟﻨﻈﺎﺋﺮ ﻟﻠﺴﯿﻮﻃﯽ : ۱/ ۱۶۸ )
ﺍﻟﻐﺮﺽ ﻣﺸﻘﺖ ﻭﺑﯿﻤﺎﺭﯼ ﺍﺳﺒﺎﺏِ ﺗﺨﻔﯿﻒ ﻣﯿﮟ ﺳﮯ ﮨﮯ؛ ﻣﮕﺮ ﮨﺮ ﺗﮑﻠﯿﻒ ﻭﺑﯿﻤﺎﺭﯼ ﻧﮩﯿﮟ؛ ﺑﻠﮑﮧ ﻭﮦ ﺟﺲ ﻣﯿﮟ ﺍﻧﺴﺎﻥ ﮐﻮ ﻧﺎﻗﺎﺑﻞِ ﺑﺮﺩﺍﺷﺖ ﺗﮑﻠﯿﻒ ﭘﯿﺶ ﺁﺋﮯ ﺍﻭﺭ ﻭﮦ ﺍﺱ ﮐﻮ ﺳﮩﺎﺭ ﻧﮧ ﺳﮑﮯ۔
ﺷﺮﯾﻌﺖ ﻣﯿﮟ ﻣﻌﺬﻭﺭ ﮐﮯ ﻟﯿﮯ ﺳﮩﻮﻟﺖ ﺍﻭﺭ ﺍﺱ ﮐﯽ ﺷﺮﺍﺋﻂ :
ﺟﺐ ﯾﮧ ﺗﻔﺼﯿﻞ ﻣﻌﻠﻮﻡ ﮨﻮﮔﺌﯽ ﺗﻮ ﺍﺏ ﻗﺎﺑﻞ ﻏﻮﺭﺑﺎﺕ ﯾﮧ ﮨﮯ ﮐﮧ ﮐﺮﺳﯽ ﭘﺮ ﻧﻤﺎﺯ ﮐﮯ ﺟﻮﺍﺯ ﮐﮯ ﻟﯿﮯ ﮐﯿﺎ ﺍﻭﺭ ﮐﻮﻥ ﺳﮯ ﺍﻋﺬﺍﺭ ﻣﻌﺘﺒﺮ ﮨﯿﮟ ﺍﻭﺭ ﻭﮦ ﮐﯿﺎ ﺍﻭﺭ ﮐﻮﻥ ﺳﮯ ﺍﻋﺬﺍﺭ ﮨﯿﮟ ﺟﻮ ﻣﻌﺘﺒﺮ ﻧﮩﯿﮟ؟ ﺍﺱ ﮐﮯ ﺟﻮﺍﺏ ﺳﮯ ﭘﮩﻠﮯ ﺍﺻﺤﺎﺏ ﺍﻋﺬﺍﺭ ﮐﮯ ﻟﯿﮯ ﺣﻀﺮﺍﺕ ﻓﻘﮩﺎﺀ ﮐﺮﺍﻡ ﮐﮯ ﻟﮑﮭﮯ ﮨﻮﺋﮯ ﻣﺴﺎﺋﻞ ﭘﺮ ﺍﯾﮏ ﺍﺟﻤﺎﻟﯽ ﻧﻈﺮ ﮈﺍﻝ ﻟﯿﮟ :
( ۱ ) ﻗﯿﺎﻡ ﻓﺮﺽ ﮨﮯ، ﻟﮩٰﺬﺍ ﺟﻮ ﺷﺨﺺ ﻗﯿﺎﻡ ﮐﺮﺳﮑﺘﺎ ﮨﮯ ﺍﺱ ﮐﻮ ﮐﮭﮍﮮ ﮨﻮﮐﺮ ﻧﻤﺎﺯ ﭘﮍﮬﻨﺎ ﻓﺮﺽ ﮨﮯ، ﺍﻭﺭ ﺟﻮ ﮐﺴﯽ ﻋﺬﺭ ﮐﯽ ﻭﺟﮧ ﺳﮯ ﮐﮭﮍﺍ ﻧﮩﯿﮟ ﮨﻮﺳﮑﺘﺎ، ﺗﻮ ﺍﺱ ﻣﯿﮟ ﺗﻔﺼﯿﻞ ﯾﮧ ﮨﮯ ﮐﮧ ﺍﮔﺮ ﻭﮦ ﭘﻮﺭﺍ ﻭﻗﺖ ﮐﮭﮍﺍ ﻧﮩﯿﮟ ﮨﻮﺳﮑﺘﺎ؛ ﻟﯿﮑﻦ ﮐﭽﮫ ﺩﯾﺮ ﻗﯿﺎﻡ ﮐﺮﺳﮑﺘﺎ ﮨﮯ ﺗﻮ ﻭﮦ ﮐﭽﮫ ﺩﯾﺮ ﻗﯿﺎﻡ ﮐﺮﮮ ﺍﻭﺭ ﺑﻌﺪ ﻣﯿﮟ ﺑﯿﭩﮫ ﺟﺎﺋﮯ،ﺍﮔﺮ ﺍﺱ ﻧﮯ ﮐﭽﮫ ﺩﯾﺮ ﻗﯿﺎﻡ ﭘﺮ ﻗﺪﺭﺕ ﮐﮯ ﺑﺎﻭﺟﻮﺩ ﮐﭽﮫ ﺩﯾﺮ ﻗﯿﺎﻡ ﻧﮩﯿﮟ ﮐﯿﺎ، ﺍﻭﺭ ﺷﺮﻭﻉ ﮨﯽ ﺳﮯ ﺑﯿﭩﮫ ﮐﺮ ﻧﻤﺎﺯ ﭘﮍﮪ ﻟﯽ ﺗﻮﺍﺱ ﮐﮯ ﻟﯿﮯ ﯾﮧ ﺟﺎﺋﺰ ﻧﮩﯿﮟ۔
ﺍﻟﻌﻨﺎﯾﺔ ﺷﺮﺡ ﺍﻟﮩﺪﺍﯾﺔ ﻣﯿﮟ ﮨﮯ ﮐﮧ ﺟﺐ ﺑﻌﺾ ﻗﯿﺎﻡ ﭘﺮ ﻗﺎﺩﺭ ﮨﻮ ﺍﮔﺮﭼﮧ ﮐﮧ ﺍﯾﮏ ﺁﯾﺖ ﯾﺎ ﺍﯾﮏ ﻣﺮﺗﺒﮧ ﺍﻟﻠﮧ ﺍﮐﺒﺮ ﮐﮩﻨﮯ ﮐﮯ ﺑﺮﺍﺑﺮ ﻧﮧ ﮐﮧ ﭘﻮﺭﺍ، ﺗﻮ ﺍﻣﺎﻡ ﺍﺑﻮﺟﻌﻔﺮ ﮨﻨﺪﻭﺍﻧﯽ ﻧﮯ ﮐﮩﺎ ﮐﮧ ﺍﺱ ﮐﻮ ﺣﮑﻢ ﺩﯾﺎ ﺟﺎﺋﮯ ﮔﺎ ﮐﮧ ﺟﺲ ﻗﺪﺭ ﮐﮭﮍﺍ ﮨﻮﺳﮑﺘﺎ ﮨﮯ ﻭﮦ ﮐﮭﮍﺍ ﮨﻮ، ﭘﺲ ﺟﺐ ﻗﯿﺎﻡ ﮐﺮﻧﮯ ﺳﮯ ﻋﺎﺟﺰ ﺁﺟﺎﺋﮯ ﺗﻮ ﭘﮭﺮ ﺑﯿﭩﮫ ﺟﺎﺋﮯ،ﺍﻭﺭ ﺍﮔﺮ ﺍﯾﺴﺎ ﻧﮩﯿﮟ ﮐﯿﺎ ﺗﻮ ﻣﺠﮭﮯ ﺧﻮﻑ ﮨﮯ ﮐﮧ ﺍﺱ ﮐﯽ ﻧﻤﺎﺯ ﻓﺎﺳﺪ ﮨﻮﺟﺎﺋﮯ ﮔﯽ، ﯾﮩﯽ ﻣﺬﮨﺐ ﮨﮯ ﺍﻭﺭ ﮨﻤﺎﺭﮮ ﺍﺻﺤﺎﺏ ﺳﮯ ﺍﺱ ﮐﮯ ﺧﻼﻑ ﮐﻮﺋﯽ ﺑﺎﺕ ﻣﺮﻭﯼ ﻧﮩﯿﮟ ﮨﮯ؛ ﮐﯿﻮﻧﮑﮧ ﻃﺎﻋﺖ ﺑﻘﺪﺭ ﻃﺎﻗﺖ ﮨﻮﺗﯽ ﮨﮯ ( ﺍﻟﻌﻨﺎﯾﺔ ﺷﺮﺡ ﺍﻟﮩﺪﺍﯾﺔ : ۲/ ۳۱۴ )
ﺩﺭﺭﺍﻟﺤﮑﺎﻡ ﻣﯿﮟ ﮨﮯ ﮐﮧ ﺍﮔﺮ ﺑﻌﺾ ﻗﯿﺎﻡ ﭘﺮ ﻗﺪﺭﺕ ﺭﮐﮭﺘﺎﮨﻮ ﺗﻮ ﻭﮦ ﻗﯿﺎﻡ ﮐﺮﮮ، ﭘﺲ ﺍﮔﺮ ﻭﮦ ﻗﯿﺎﻡ ﮐﮯ ﺳﺎﺗﮫ ﺗﮑﺒﯿﺮ ﮐﮩﮧ ﺳﮑﺘﺎ ﮨﻮ ﯾﺎ ﺗﮑﺒﯿﺮ ﺍﻭﺭ ﺗﮭﻮﮌﯼ ﻗﺮﺍﺀ ﺕ ﮐﺮﺳﮑﺘﺎ ﮨﻮﺗﻮ ﺍﺱ ﮐﻮ ﻗﯿﺎﻡ ﮐﺎ ﺣﮑﻢ ﺩﯾﺎ ﺟﺎﺋﮯ ﮔﺎ، ﺷﻤﺲ ﺍﻻﺋﻤﮧ ﻧﮯ ﮐﮩﺎ ﮐﮧ ﯾﮩﯽ ﺻﺤﯿﺢ ﻣﺬﮨﺐ ( ﺍﺣﻨﺎﻑ ) ﮨﮯ، ﺍﻭﺭﺍﮔﺮ ﺍﺱ ﻧﮯ ﻗﯿﺎﻡ ﮐﻮ ﺗﺮﮎ ﮐﺮﺩﯾﺎ ﺗﻮ ﺧﻮﻑ ﮨﮯ ﮐﮧ ﺍﺱ ﮐﯽ ﻧﻤﺎﺯ ﺟﺎﺋﺰ ﻧﮩﯿﮟ ﮨﻮﮔﯽ ( ﺩﺭﺭﺍﻟﺤﮑﺎﻡ : ۲/ ۷۸ )
ﺍﻭﺭ ﺩﺭ ﻣﺨﺘﺎﺭ ﻣﯿﮟ ﮨﮯ ﮐﮧ ﺍﮔﺮ ﮐﻮﺋﯽ ﺗﮭﻮﮌﯼ ﺩﯾﺮ ﺑﮭﯽ ﮐﮭﮍﮮ ﮨﻮﻧﮯ ﭘﺮ ﻗﺎﺩﺭ ﮨﻮﺗﻮ ﻭﮦ ﺍﭘﻨﯽ ﻃﺎﻗﺖ ﮐﮯ ﺑﻘﺪﺭ ﻻﺯﻣﯽ ﻃﻮﺭ ﭘﺮ ﮐﮭﮍﺍ ﮨﻮ، ﺍﮔﺮﭼﮧ ﺍﯾﮏ ﺁﯾﺖ ﯾﺎ ﺍﯾﮏ ﺗﮑﺒﯿﺮ ﮐﯽ ﻣﻘﺪﺍﺭ ﮨﯽ ﮐﯿﻮﮞ ﻧﮧ ﮨﻮ، ﺍﺱ ﻟﯿﮯ ﮐﮧ ﺑﻌﺾ ﮐﻮ ﮐﻞ ﭘﺮ ﻗﯿﺎﺱ ﮐﯿﺎﮔﯿﺎ ﮨﮯ ) ( ﺩﺭﻣﺨﺘﺎﺭ ﻣﻊ ﺭﺩﺍﻟﻤﺤﺘﺎﺭ : ۲/ ۹۷ )
( ۲ ) ﺍﻭﺭ ﺟﻮ ﺷﺨﺺ ﺧﻮﺩ ﺗﻮ ﻧﮩﯿﮟ ﮐﮭﮍﺍ ﮨﻮﺳﮑﺘﺎ؛ ﻟﯿﮑﻦ ﮐﺴﯽ ﺩﻭﺳﺮﮮ ﺁﺩﻣﯽ ﯾﺎ ﮐﺴﯽ ﭼﯿﺰ ﮐﻮ ﺳﮩﺎﺭﺍ ﺩﮮ ﮐﺮ ﮐﮭﮍﺍ ﮨﻮﺳﮑﺘﺎ ﮨﮯ ﺗﻮ ﺍﺱ ﮐﻮ ﺑﮭﯽ ﮐﺴﯽ ﮐﮯ ﺳﮩﺎﺭﮮ ﺳﮯ ﮐﮭﮍﺍ ﮨﻮﻧﺎ ﻻﺯﻡ ﮨﮯ، ﺍﺱ ﮐﻮ ﺑﮭﯽ ﺑﯿﭩﮫ ﮐﺮ ﻧﻤﺎﺯ ﭘﮍﮬﻨﺎ ﺟﺎﺋﺰ ﻧﮩﯿﮟ، ﺍﻭﺭﺍﮔﺮ ﮐﻮﺋﯽ ﺧﻮﺩ ﺑﮭﯽ ﻧﮩﯿﮟ ﮐﮭﮍﺍ ﮨﻮﺳﮑﺘﺎ ﺍﻭﺭ ﻧﮧ ﮐﺴﯽ ﮐﮯ ﺳﮩﺎﺭﮮ ﺳﮯ ﮐﮭﮍﺍ ﮨﻮﺳﮑﺘﺎ ﮨﮯ ﺍﺱ ﮐﮯ ﻟﯿﮯ ﺟﺎﺋﺰ ﮨﮯ ﮐﮧ ﻭﮦ ﺑﯿﭩﮫ ﮐﺮ ﻧﻤﺎﺯ ﭘﮍﮬﮯ۔
ﻋﻼﻣﮧ ﺍﺑﻦ ﺍﻟﮩﻤﺎﻡ ﻧﮯ ﻓﺘﺢ ﺍﻟﻘﺪﯾﺮ ﻣﯿﮟ ﺍﻭﺭ ﻋﻼﻣﮧ ﺍﻟﺒﺎﺑﺮﺗﯽ ﻧﮯ ﻋﻨﺎﯾﺔ ﺷﺮﺡ ﮨﺪﺍﯾﮧ ﻣﯿﮟ ﻟﮑﮭﺎ ﮨﮯ ﮐﮧ : ﺍﮔﺮ ﭨﯿﮏ ﻟﮕﺎﮐﺮ ﻗﯿﺎﻡ ﮐﺮﺳﮑﺘﺎ ﮨﻮﺗﻮ ﺷﻤﺲ ﺍﻻﺋﻤﮧ ﻧﮯ ﮐﮩﺎ ﮐﮧ ﺻﺤﯿﺢ ﯾﮧ ﮨﮯ ﮐﮧ ﻭﮦ ﮐﮭﮍﮮ ﮨﻮﮐﺮ ﭨﯿﮏ ﮐﮯ ﺳﺎﺗﮫ ﻧﻤﺎﺯ ﭘﮍﮬﮯ ﮔﺎ، ﺍﻭﺭﺍﺱ ﮐﮯ ﺳﻮﺍ ﺟﺎﺋﺰ ﻧﮧ ﮨﻮﮔﺎ، ﺍﺳﯽ ﻃﺮﺡ ﺍﺱ ﺻﻮﺭﺕ ﻣﯿﮟ ﺑﮭﯽ ﮨﮯ ﮐﮧ ﺍﮔﺮ ﻋﺼﺎ ﭘﺮ ﭨﯿﮏ ﻟﮕﺎﻧﮯ ﯾﺎ ﺧﺎﺩﻡ ﮨﻮﺗﻮ ﺍﺱ ﭘﺮﭨﯿﮏ ﻟﮕﺎﻧﮯ ﺳﮯ ﻗﯿﺎﻡ ﮐﯽ ﻗﺪﺭﺕ ﻣﻞ ﺟﺎﺋﮯ ( ﻓﺘﺢ ﺍﻟﻘﺪﯾﺮ : ۲/ ۳ ، ﺍﻟﻌﻨﺎﯾﺔ : ۲/ ۳۱۴ ﻭﺍﻟﻠﻔﻆ ﻟﮧ )
ﻓﺘﺎﻭﯼ ﮨﻨﺪﯾﮧ ﻣﯿﮟ ﮨﮯ ﮐﮧ : ﺍﮔﺮ ﭨﯿﮏ ﻟﮕﺎﮐﺮ ﻗﯿﺎﻡ ﮐﺮﺳﮑﺘﺎ ﮨﻮﺗﻮ ﺻﺤﯿﺢ ﯾﮧ ﮨﮯ ﮐﮧ ﻭﮦ ﮐﮭﮍﮮ ﮨﻮﮐﺮ ﭨﯿﮏ ﮐﮯ ﺳﺎﺗﮫ ﻧﻤﺎﺯ ﭘﮍﮬﮯ ﮔﺎ،ﺍﻭﺭ ﺩﻭﺳﺮﯼ ﺻﻮﺭﺕ ﺍﺱ ﮐﮯ ﻟﯿﮯ ﺟﺎﺋﺰ ﻧﮧ ﮨﻮﮔﯽ، ﺍﺳﯽ ﻃﺮﺡ ﺍﺱ ﺻﻮﺭﺕ ﻣﯿﮟ ﺑﮭﯽ ﮨﮯ ﮐﮧ ﺍﮔﺮ ﻋﺼﺎ ﭘﺮ ﭨﯿﮏ ﻟﮕﺎﻧﮯ ﯾﺎ ﺧﺎﺩﻡ ﮨﻮﺗﻮ ﺍﺱ ﭘﺮ ﭨﯿﮏ ﻟﮕﺎﻧﮯ ﺳﮯ ﻗﯿﺎﻡ ﮐﯽ ﻗﺪﺭﺕ ﻣﻞ ﺟﺎﺋﮯ ﺗﻮ ﻭﮦ ﮐﮭﮍﺍ ﮨﻮﮔﺎ ﺍﻭﺭ ﭨﯿﮏ ﻟﮕﺎﺋﮯ ﮔﺎ ( ﻓﺘﺎﻭﯼٰ ﮨﻨﺪﯾﮧ : ۱/ ۶۳۱ ، ﺭﺩ ﺍﻟﻤﺤﺘﺎﺭ : ۲/ ۹۷ )
( ۳ ) ﻗﯿﺎﻡ ﮐﺮﺗﻮﺳﮑﺘﺎ ﮨﮯ؛ ﻣﮕﺮ ﺍﺱ ﺳﮯ ﺷﺪﯾﺪ ﺗﮑﻠﯿﻒ ﮨﻮﺗﯽ ﮨﮯ، ﺟﻮ ﻧﺎﻗﺎﺑﻞ ﺑﺮﺩﺍﺷﺖ ﮨﮯ ﯾﺎ ﺑﯿﻤﺎﺭﯼ ﻭﻋﺬﺭ ﮐﮯ ﺑﮍﮪ ﺟﺎﻧﮯ ﮐﺎ ﻏﺎﻟﺐ ﮔﻤﺎﻥ ﮨﮯ ﺗﻮ ﺍﺱ ﮐﮯ ﻟﯿﮯ ﺑﮭﯽ ﯾﮩﯽ ﺗﻔﺼﯿﻞ ﮨﮯ ﮐﮧ ﺍﮔﺮ ﮐﺴﯽ ﮐﮯ ﺳﮩﺎﺭﮮ ﮐﮭﮍﮮ ﮨﻮﻧﮯ ﺳﮯ ﺗﮑﻠﯿﻒ ﻧﮩﯿﮟ ﮨﻮﺗﯽ ﺗﻮ ﻭﮦ ﮐﺴﯽ ﮐﮯ ﺳﮩﺎﺭﮮ ﻗﯿﺎﻡ ﮐﺮﮮ، ﺍﻭﺭ ﭘﻮﺭﺍ ﻭﻗﺖ ﮐﮭﮍﮮ ﮨﻮﻧﮯ ﺳﮯ ﺗﮑﻠﯿﻒ ﮨﻮﺗﯽ ﮨﮯ،ﻣﮕﺮ ﮐﺴﯽ ﮐﺎ ﺳﮩﺎﺭﺍ ﻟﯿﻨﮯ ﺳﮯ ﺑﻘﯿﮧ ﻭﻗﺖ ﻣﯿﮟ ﻗﯿﺎﻡ ﻣﯿﮟ ﺗﮑﻠﯿﻒ ﻧﮩﯿﮟ ﮨﻮﺗﯽ ﺗﻮ ﻭﮦ ﮐﭽﮫ ﺩﯾﺮ ﺗﻮ ﺧﻮﺩ ﻗﯿﺎﻡ ﮐﺮﮮ ﺍﻭﺭ ﺑﺎﻗﯽ ﻭﻗﺖ ﮐﺴﯽ ﮐﮯ ﺳﮩﺎﺭﮮ ﺳﮯ ﻗﯿﺎﻡ ﮐﺮﮮ،ﺍﻭﺭ ﺍﮔﺮ ﮐﺴﯽ ﮐﻮ ﮨﺮ ﺻﻮﺭﺕ ﻣﯿﮟ ﺷﺪﯾﺪ ﺗﮑﻠﯿﻒ ﮨﻮﺗﯽ ﮨﮯ ﺗﻮ ﻭﮦ ﺑﯿﭩﮫ ﮐﺮ ﻧﻤﺎﺯ ﭘﮍﮪ ﺳﮑﺘﺎ ﮨﮯ۔
ﺩﺭﺭﺍﻟﺤﮑﺎﻡ ﻣﯿﮟ ﮨﮯ ﮐﮧ : ﺟﺐ ﻗﯿﺎﻡ ﮐﺮﻧﺎ ﺑﯿﻤﺎﺭﯼ ﮐﯽ ﻭﺟﮧ ﺳﮯ ﻣﺘﻌﺬﺭ ﻭﻣﺸﮑﻞ ﮨﻮﺟﺎﺋﮯ ﯾﺎ ﮐﮭﮍﮮ ﮨﻮﻧﮯ ﺳﮯ ﺑﯿﻤﺎﺭﯼ ﮐﮯ ﺑﮍﮪ ﺟﺎﻧﮯ ﮐﺎ ﺧﻮﻑ ﮨﻮ ﯾﺎ ﺑﯿﻤﺎﺭﯼ ﮐﮯ ﺩﯾﺮ ﺳﮯ ﺩﺭﺳﺖ ﮨﻮﻧﮯ ﮐﺎﺍﻧﺪﯾﺸﮧ ﮨﻮ ﯾﺎ ﺳﺮ ﭼﮑﺮﺍﻧﮯ ﮐﺎ ﮈﺭ ﮨﻮ ﯾﺎ ﮐﮭﮍﮮ ﮨﻮﻧﮯ ﺳﮯ ﺷﺪﯾﺪ ﺗﮑﻠﯿﻒ ﻣﺤﺴﻮﺱ ﮐﺮﮮ ﺗﻮ ﺑﯿﭩﮫ ﺟﺎﺋﮯ ) ( ﺩﺭﺭﺍﻟﺤﮑﺎﻡ : ۲/ ۷۸ )
ﻋﻼﻣﮧ ﺷﺎﻣﯽ ﻟﮑﮭﺘﮯ ﮨﯿﮟ : ” ﺃﺭﺍﺩَ ﺑﺎﻟﺘﻌﺬُّﺭَ ﺍﻟﺘﻌﺬُّﺭ ﺍﻟﺤﻘﯿﻘﻲَّ؛ ﺑِﺤَﯿْﺚُ ﻟﻮ ﻗﺎﻡ ﺳَﻘَﻂَ ․․․ ﺃﻭ ﺍﻟﺤﮑﻤﻲ؛ ﺑِﺄﻥْ ﺧَﺎﻑَ ﺯِﯾَﺎﺩَﺗَﮧ ﺃَﻭْ ﺑُﻂْﺀَ ﺑُﺮْﺋِﮧ ﺑِﻘِﯿَﺎﻣِﮧ ﺃَﻭْ ﺩَﻭَﺭَﺍﻥَ ﺭَﺃﺳِﮧ ﺃﻭ ﻭَﺟَﺪَ ﻟِﻘِﯿَﺎﻣِﮧ ﺃﻟﻤﺎً ﺷﺪﯾﺪﺍً ﺻﻠﯽ ﻗﺎﻋﺪﺍً ․“
( ﯾﻌﻨﯽ ﻣﺼﻨﻒ ﻧﮯ ﻋﺬﺭ ﺳﮯ ﻋﺬﺭِ ﺣﻘﯿﻘﯽ ﻣﺮﺍﺩ ﻟﯿﺎ ﮨﮯ، ﺍﺱ ﻃﻮﺭ ﭘﺮ ﮐﮧ ﮐﮭﮍﺍ ﮨﻮﺗﻮ ﮔﺮﺟﺎﺋﮯ، ﯾﺎ ﺣﮑﻤﯽ ﻣﺮﺍﺩ ﻟﯿﺎ ﮨﮯ؛ ﺍﺱ ﻃﻮﺭﭘﺮ ﮐﮧ ﺍﺳﮯ ﺑﯿﻤﺎﺭﯼ ﮐﮯ ﺑﮍﮪ ﺟﺎﻧﮯ ﮐﺎ ﺍﻧﺪﯾﺸﮧ ﮨﻮ، ﯾﺎ ﮐﮭﮍﮮ ﮨﻮﻧﮯ ﮐﯽ ﻭﺟﮧ ﺳﮯ ﺻﺤﺖ ﯾﺎﺑﯽ ﻣﯿﮟ ﺗﺎﺧﯿﺮ ﮐﺎ ﺍﻧﺪﯾﺸﮧ ﮨﻮ، ﯾﺎ ﺳﺮﭼﮑﺮﺍﻧﮯ ﮐﺎ ﺍﻧﺪﯾﺸﮧ ﮨﻮ، ﯾﺎﮐﮭﮍﮮ ﮨﻮﻧﮯ ﻣﯿﮟ ﺳﺨﺖ ﺗﮑﻠﯿﻒ ﻣﺤﺴﻮﺱ ﮐﺮﮮ، ﺗﻮ ﺑﯿﭩﮫ ﮐﺮ ﻧﻤﺎﺯ ﭘﮍﮬﮯ ) ( ﺩﺭﻣﺨﺘﺎﺭ ﻭﺭﺩﺍﻟﻤﺤﺘﺎﺭ : ۲/ ۹۶ )
ﯾﮧ ﺗﻮ ﺷﺪﯾﺪ ﺗﮑﻠﯿﻒ ﮐﺎ ﺣﮑﻢ ﮨﮯ،ﺍﻭﺭﺍﮔﺮ ﮐﺴﯽ ﮐﻮ ﺗﮑﻠﯿﻒ ﺗﻮ ﮨﻮﺗﯽ ﮨﮯ ﻣﮕﺮ ﺗﮭﻮﮌﯼ ﺑﮩﺖ ﺟﻮ ﻗﺎﺑﻞ ﺑﺮﺩﺍﺷﺖ ﮨﮯ ﺗﻮ ﺍﺱ ﮐﺎ ﮐﻮﺋﯽ ﺍﻋﺘﺒﺎﺭ ﻧﮩﯿﮟ ﺍﻭﺭﺍﺱ ﮐﻮ ﺑﯿﭩﮫ ﮐﺮ ﻧﻤﺎﺯ ﭘﮍﮬﻨﺎ ﺟﺎﺋﺰ ﻧﮩﯿﮟ۔ ﻓﺘﺎﻭﯼٰ ﮨﻨﺪﯾﮧ ﻣﯿﮟ ﮨﮯ : ” ﻓﺎﻥْ ﻟَﺤِﻘَﮧ ﻧﻮﻉُ ﻣَﺸﻘَّﺔٍ ﻟﻢ ﯾﺠُﺰْ ﺗﺮﮎُ ﺫٰﻟِﮏَ ﺍﻟْﻘِﯿَﺎﻡِ ․“ ( ﯾﻌﻨﯽ ﺍﮔﺮ ﮐﮭﮍﮮ ﮨﻮﻧﮯ ﻣﯿﮟ ﻣﻌﻤﻮﻟﯽ ﺗﮑﻠﯿﻒ ﻻﺣﻖ ﮨﻮﺗﻮ ﻗﯿﺎﻡ ﮐﺎ ﭼﮭﻮﮌﻧﺎ ﺟﺎﺋﺰ ﻧﮩﯿﮟ ) ( ﻓﺘﺎﻭﯼٰ ﮨﻨﺪﯾﮧ : ۱/ ۱۳۶ )
ﺍﻭﺭ ﻋﻼﻣﮧ ﺍﺑﻦ ﺍﻟﮩﻤﺎﻡ ﻧﮯ ﻓﺘﺢ ﺍﻟﻘﺪﯾﺮ ﻣﯿﮟ، ﻋﻼﻣﮧ ﺯﯾﻠﻌﯽ ﺗﺒﯿﯿﻦ ﺍﻟﺤﻘﺎﺋﻖ ﻣﯿﮟ ﺍﻭﺭ ﻋﻼﻣﮧ ﺍﻟﻤﯿﺪﺍﻧﯽ ﻧﮯ ﺍﻟﻠﺒﺎﺏ ﻓﯽ ﺷﺮﺡ ﺍﻟﮑﺘﺎﺏ ﻣﯿﮟ ﻟﮑﮭﺎ ﮨﮯ ﮐﮧ :
” ﻓﺎﻥ ﻟَﺤِﻘَﮧ ﻧَﻮﻉُ ﻣﺸﻘّﺔٍ ﻟﻢ ﯾَﺠُﺰ ﺗﺮﮎُ ﺍﻟﻘﯿﺎﻡ ﺑِﺴَﺒَﺒِﮩَﺎ “ ( ﯾﻌﻨﯽ ﺍﮔﺮ ﮐﮭﮍﮮ ﮨﻮﻧﮯ ﻣﯿﮟ ﻣﻌﻤﻮﻟﯽ ﺗﮑﻠﯿﻒ ﻻﺣﻖ ﮨﻮﺗﻮ ﺍﺱ ﮐﯽ ﻭﺟﮧ ﺳﮯ ﻗﯿﺎﻡ ﮐﺎ ﭼﮭﻮﮌﻧﺎ ﺟﺎﺋﺰ ﻧﮩﯿﮟ ) ( ﻓﺘﺢ ﺍﻟﻘﺪﯾﺮ : ۲/ ۳ ، ﺗﺒﯿﯿﻦ ﺍﻟﺤﻘﺎﺋﻖ : ۲/ ۴۵۶ ، ﺍﻟﻠﺒﺎﺏ : ۱/ ۴۹ )
( ۴ ) ﺟﻮ ﺷﺨﺺ ﺍﻭﭘﺮ ﮐﯽ ﺗﻔﺼﯿﻞ ﮐﮯ ﻣﻄﺎﺑﻖ ﮐﺴﯽ ﺑﮭﯽ ﻃﺮﺡ ﻗﯿﺎﻡ ﻧﮩﯿﮟ ﮐﺮﺳﮑﺘﺎ، ﺍﻭﺭ ﺑﯿﭩﮫ ﮐﺮ ﻧﻤﺎﺯ ﭘﮍﮪ ﺳﮑﺘﺎ ﮨﮯ ﺗﻮ ﻭﮦ ﺯﻣﯿﻦ ﭘﺮ ﺑﯿﭩﮫ ﮐﺮ ﻧﻤﺎﺯ ﺍﺩﺍ ﮐﺮﮮ، ﺍﻭﺭ ﺍﮔﺮ ﺧﻮﺩ ﺑﯿﭩﮫ ﻧﮩﯿﮟ ﺳﮑﺘﺎ؛ ﻟﯿﮑﻦ ﮐﺴﯽ ﺩﻭﺳﺮﮮ ﺷﺨﺺ ﯾﺎ ﭼﯿﺰ ﺟﯿﺴﮯ ﺩﯾﻮﺍﺭ، ﻭﻏﯿﺮﮦ ﮐﮯ ﺍﻭﭘﺮ ﭨﯿﮏ ﻟﮕﺎﮐﺮ ﺑﯿﭩﮫ ﺳﮑﺘﺎ ﮨﮯ ﺗﻮ ﺍﺱ ﮐﻮ ﮐﺴﯽ ﮐﮯ ﺍﻭﭘﺮ ﭨﯿﮏ ﻟﮕﺎﮐﺮ ﺑﯿﭩﮭﻨﺎ ﺿﺮﻭﺭﯼ ﮨﮯ۔
ﺍﻟﻤﺤﯿﻂ ﺍﻟﺒﺮﮨﺎﻧﯽ ﻣﯿﮟ ﮨﮯ ﮐﮧ : ﺍﻣﺎﻡ ﻣﺤﻤﺪ ﻧﮯ ﺍﭘﻨﯽ ﮐﺘﺎﺏ ” ﺍﻻﺻﻞ “ ﻣﯿﮟ ﯾﮧ ﺻﻮﺭﺕ ﺫﮐﺮ ﻧﮩﯿﮟ ﮐﯽ ﮐﮧ ﺍﮔﺮ ﺍﯾﮏ ﺷﺨﺺ ﭨﮭﯿﮏ ﺳﮯ ﺑﯿﭩﮫ ﻧﮩﯿﮟ ﺳﮑﺘﺎ،ﺍﻭﺭ ﭨﯿﮏ ﻟﮕﺎﮐﺮ ﯾﺎ ﮐﺴﯽ ﺩﯾﻮﺍﺭ ﯾﺎ ﺍﻧﺴﺎﻥ ﻭﻏﯿﺮﮦ ﭘﺮ ﺳﮩﺎﺭﺍ ﻟﮯ ﮐﺮ ﺑﯿﭩﮫ ﺳﮑﺘﺎ ﮨﻮﺗﻮ ﺍﻣﺎﻡ ﺷﻤﺲ ﺍﻻﺋﻤﮧ ﺣﻠﻮﺍﻧﯽ ﻧﮯ ﻓﺮﻣﺎﯾﺎ ﮐﮧ ﮨﻤﺎﺭﮮ ﻣﺸﺎﺋﺦ ﻧﮯ ﮐﮩﺎ ﮐﮧ ﺍﺱ ﮐﮯ ﻟﯿﮯ ﮐﺴﯽ ﮐﮯ ﺳﮩﺎﺭﮮ ﺳﮯ ﯾﺎ ﭨﯿﮏ ﻟﮕﺎﮐﺮ ﺑﯿﭩﮭﮯ ﮨﻮﺋﮯ ﻧﻤﺎﺯ ﭘﮍﮬﮯ ﺗﻮ ﺟﺎﺋﺰ ﮨﮯ،ﺍﻭﺭﻟﯿﭧ ﮐﺮ ﻧﻤﺎﺯ ﭘﮍﮬﮯ ﺗﻮ ﺟﺎﺋﺰ ﻧﮩﯿﮟ ) ( ﺍﻟﻤﺤﯿﻂ ﺍﻟﺒﺮﮨﺎﻧﯽ : ۲/ ۲۷۲ )
ﺍﻭﺭ ﻓﺘﺎﻭﯼٰ ﻋﺎﻟﻤﮕﯿﺮﯼ ﻣﯿﮟ ﮨﮯ ﮐﮧ : ” ﻭﺍﺫَﺍ ﻟَﻢْ ﯾَﻘْﺪِﺭْ ﻋَﻠَﯽ ﺍﻟْﻘُﻌُﻮْﺩِ ﻣُﺴْﺘَﻮِﯾﺎً ﻭﻗَﺪَﺭَ ﻣُﺘَّﮑﺌﺎً ﺃﻭ ﻣُﺴﺘﻨِﺪﺍً ﺍﻟﯽ ﺣﺎﺋِﻂٍ ﺃﻭ ﺍﻧﺴﺎﻥٍ، ﯾﺠﺐ ﺃﻥ ﯾﺼﻠﻲ ﻣُﺘّﮑﺌﺎً ﺃﻭ ﻣُﺴﺘﻨِﺪًﺍ ﻭﻻ ﯾﺠﻮﺯ ﻟﮧ ﺃﻥ ﯾﺼﻠّﻲَ ﻣُﻀﻄﺠِﻌﺎً ․“ ( ﺍﻭﺭ ﺟﺐ ﭨﮭﯿﮏ ﺳﮯ ﺑﯿﭩﮭﻨﮯ ﭘﺮ ﻗﺎﺩﺭ ﻧﮧ ﮨﻮ؛ ﺑﻠﮑﮧ ﭨﯿﮏ ﻟﮕﺎﮐﺮ ﯾﺎ ﮐﺴﯽ ﺩﯾﻮﺍﺭ ﯾﺎ ﺍﻧﺴﺎﻥ ﮐﺎ ﺳﮩﺎﺭﺍ ﻟﮯ ﮐﺮ ﺑﯿﭩﮭﻨﮯ ﭘﺮ ﻗﺎﺩﺭ ﮨﻮﺗﻮ ﺿﺮﻭﺭﯼ ﮨﮯ ﮐﮧ ﻭﮦ ﻧﻤﺎﺯ ﭘﮍﮬﮯ ﭨﯿﮏ ﻟﮕﺎﮐﺮ ﯾﺎ ﺳﮩﺎﺭﺍ ﻟﮯ ﮐﺮ ﺍﻭﺭ ﺍﺱ ﮐﮯ ﻟﯿﮯ ﻟﯿﭧ ﮐﺮ ﻧﻤﺎﺯ ﭘﮍﮬﻨﺎ ﺟﺎﺋﺰ ﻧﮩﯿﮟ ) ( ﻓﺘﺎﻭﯼٰ ﮨﻨﺪﯾﮧ : ۱/ ۱۳۶ )
( ۵ ) ﺍﻭﺭ ﺟﻮ ﺷﺨﺺ ﺑﯿﭩﮫ ﮐﺮ ﻧﻤﺎﺯ ﭘﮍﮪ ﺳﮑﺘﺎ ﮨﮯ ﺍﻭﺭ ﺭﮐﻮﻉ ﻭﺳﺠﺪﮦ ﺑﮭﯽ ﮐﺮﺳﮑﺘﺎ ﮨﮯ ﻭﮦ ﺑﯿﭩﮫ ﮐﺮ ﮨﯽ ﺭﮐﻮﻉ ﻭﺳﺠﺪﮦ ﮐﺮﻟﮯ، ﻟﮩٰﺬﺍ ﺟﻮ ﺷﺨﺺ ﺯﻣﯿﻦ ﭘﺮ ﺑﯿﭩﮫ ﮐﺮ ﺭﮐﻮﻉ ﻭﺳﺠﺪﮮ ﮐﮯ ﺳﺎﺗﮫ ﻧﻤﺎﺯ ﺍﺩﺍ ﮐﺮﺳﮑﺘﺎ ﮨﮯ، ﺍﺳﮑﻮ ﺭﮐﻮﻉ ﻭﺳﺠﺪﮦ ﮐﺮﻧﺎ ﻓﺮﺽ ﮨﮯ، ﮐﯿﻮﻧﮑﮧ ﻭﮦ ﺍﺱ ﭘﺮ ﻗﺎﺩﺭ ﮨﮯ ﺍﻭﺭ ﯾﮧ ﺩﻭﻧﻮﮞ ﺑﮭﯽ ﻧﻤﺎﺯ ﻣﯿﮟ ﻓﺮﺽ ﮨﯿﮟ۔
ﺍﻣﺎﻡ ﻗﺪﻭﺭﯼ ﻓﺮﻣﺎﺗﮯ ﮨﯿﮟ ﮐﮧ : ” ﺍﺫﺍ ﺗﻌﺪَّﺭَ ﻋﻠﯽ ﺍﻟﻤﺮﯾﺾ ﺍﻟﻘﯿﺎﻡُ ﺻﻠّﯽ ﻗﺎﻋﺪﺍً ﯾَﺮﮐَﻊُ ﻭﯾَﺴْﺠُﺪُ “ ( ﺟﺐ ﻣﺮﯾﺾ ﭘﺮ ﻗﯿﺎﻡ ﺩﺷﻮﺍﺭ ﮨﻮﺟﺎﺋﮯ ﺗﻮ ﺑﯿﭩﮫ ﮐﺮ ﺭﮐﻮﻉ ﻭﺳﺠﺪﮦ ﮐﺮﺗﮯ ﮨﻮﺋﮯ ﻧﻤﺎﺯ ﭘﮍﮬﮯ ) ( ﺍﻟﺠﻮﮨﺮﺓ : ۱/ ۳۱۱ )
ﺍﻻﺧﺘﯿﺎﺭ ﻟﺘﻌﻠﯿﻞ ﺍﻟﻤﺨﺘﺎﺭ ﻣﯿﮟ ﮨﮯ ﮐﮧ : ﺟﺐ ﻗﯿﺎﻡ ﺳﮯ ﻋﺎﺟﺰ ﮨﻮﺟﺎﺋﮯ ﯾﺎ ﻗﯿﺎﻡ ﺳﮯ ﻣﺮﺽ ﺑﮍﮪ ﺟﺎﻧﮯ ﮐﺎ ﺧﻮﻑ ﮨﻮﺗﻮ ﺑﯿﭩﮫ ﮐﺮ ﺭﮐﻮﻉ ﻭﺳﺠﺪﮦ ﮐﺮﺗﮯ ﮨﻮﺋﮯ ﻧﻤﺎﺯ ﺍﺩﺍ ﮐﺮﮮ ( ﺍﻻﺧﺘﯿﺎﺭ ﻟﺘﻌﻠﯿﻞ ﺍﻟﻤﺨﺘﺎﺭ : ۱/ ۸۲ )
ﺍﺱ ﺳﮯ ﻣﻌﻠﻮﻡ ﮨﻮﺍ ﮐﮧ ﺑﯿﭩﮫ ﮐﺮ ﻧﻤﺎﺯ ﭘﮍﮬﻨﮯ ﻭﺍﻻ ﺍﮔﺮﺭﮐﻮﻉ ﻭﺳﺠﺪﮮ ﭘﺮ ﯾﺎ ﺍﻥ ﻣﯿﮟ ﺳﮯ ﺍﯾﮏ ﭘﺮ ﻗﺎﺩﺭ ﮨﮯ ﺗﻮ ﺍﺱ ﮐﻮ ﺑﯿﭩﮫ ﮐﺮ ﺭﮐﻮﻉ ﻭﺳﺠﺪﮦ ﮐﺮﻧﺎ ﻻﺯﻡ ﮨﮯ، ﻭﺭﻧﮧ ﺍﺱ ﮐﯽ ﻧﻤﺎﺯ ﻧﮩﯿﮟ ﮨﻮﮔﯽ۔
( ۶ ) ﺟﻮ ﺷﺨﺺ ﺯﻣﯿﻦ ﭘﺮ ﺑﯿﭩﮫ ﺳﮑﺘﺎ ﮨﮯ، ﻣﮕﺮ ﺭﮐﻮﻉ ﻭﺳﺠﺪﮮ ﮐﮯ ﻟﯿﮯ ﺟﮭﮏ ﻧﮩﯿﮟ ﺳﮑﺘﺎ ﻭﮦ ﺑﯿﭩﮫ ﮐﺮ ﺭﮐﻮﻉ ﻭﺳﺠﺪﮮ ﮐﮯ ﻟﯿﮯ ﺍﺷﺎﺭﮦ ﮐﺮﻟﮯ، ﺍﺳﯽ ﻃﺮﺡ ﺟﻮ ﺷﺨﺺ ﺭﮐﻮﻉ ﻭﺳﺠﺪﮮ ﮐﮯ ﻟﯿﮯ ﺟﮭﮑﻨﮯ ﻣﯿﮟ ﺷﺪﯾﺪ ﺗﮑﻠﯿﻒ ﻣﺤﺴﻮﺱ ﮐﺮﺗﺎ ﮨﮯ ﺟﻮ ﻧﺎﻗﺎﺑﻞ ﺑﺮﺩﺍﺷﺖ ﮨﻮﺗﻮ ﻭﮦ ﺑﮭﯽ ﺭﮐﻮﻉ ﻭﺳﺠﺪﮮ ﮐﺎ ﺍﺷﺎﺭﮦ ﮐﺮﺳﮑﺘﺎ ﮨﮯ۔
ﻓﻘﮩﺎﺀ ﻧﮯ ﻟﮑﮭﺎ ﮨﮯ ﮐﮧ : ” ﻓﺎﻥْ ﻟَﻢْ ﯾَﺴْﺘَﻄِﻊِ ﺍﻟﺮُّﮐُﻮْﻉَ ﻭَﺍﻟﺴُّﺠُﻮْﺩَ ﺃﻭْﻣﺄ ﺍﯾﻤﺎﺀً “ ﭘﺲ ﺍﮔﺮﺭﮐﻮﻉ ﻭﺳﺠﻮﺩ ﻧﮧ ﮐﺮﺳﮑﮯ ﺗﻮ ﺍﺷﺎﺭﮮ ﺳﮯ ﮐﺮﻟﮯ ( ﺍﻟﺠﻮﮨﺮﺓ :
۱/ ۳۱۱ ، ﻭﺍﻟﻠﻔﻆ ﻟﮧ، ﺍﻟﺒﺤﺮﺍﻟﺮﺍﺋﻖ : ۲/ ۱۲۲ )
( ۷ ) ﺍﻭﺭﺍﮔﺮ ﮐﻮﺋﯽ ﺷﺨﺺ ﺍﺱ ﻗﺪﺭ ﺑﯿﻤﺎﺭ ﮨﮯ ﮐﮧ ﻭﮦ ﺑﯿﭩﮫ ﮐﺮ ﺭﮐﻮﻉ ﻭﺳﺠﺪﮦ ﻧﮩﯿﮟ ﮐﺮﺳﮑﺘﺎ، ﺗﻮ ﺍﺱ ﮐﻮ ﭼﺖ ﻟﯿﭧ ﮐﺮ ﯾﺎ ﭘﮩﻠﻮ ﭘﺮ ﻟﯿﭧ ﮐﺮ ﺍﺷﺎﺭﮮ ﺳﮯ ﻧﻤﺎﺯ ﭘﮍﮬﻨﮯ ﮐﯽ ﺍﺟﺎﺯﺕ ﮨﮯ ﺍﻭﺭﺍﺱ ﮐﻮ ﭼﺎﮨﯿﮯ ﻭﮦ ﺳﺮﺳﮯ ﺭﮐﻮﻉ ﻭﺳﺠﺪﮮ ﮐﺎ ﺍﺷﺎﺭﮦ ﮐﺮﮮ ﺍﻭﺭ ﺳﺠﺪﮦ ﮐﺎ ﺍﺷﺎﺭﮦ ﺭﮐﻮﻉ ﮐﮯ ﺍﺷﺎﺭﮮ ﺳﮯ ﺯﯾﺎﺩﮦ ﮐﺮﮮ۔
ﺍﻟﺠﻮﮨﺮﺓ ﻣﯿﮟ ﮨﮯ ﮐﮧ : ” ﻓﺎﻥْ ﻟَﻢْ ﯾَﺴْﺘَﻄِﻊِ ﺍﻟﻘُﻌُﻮﺩَ ﺍِﺳْﺘَﻠْﻘٰﯽ ﻋَﻠﯽٰ ﻇَﮩْﺮِﮦ ﺍﻟﺦ “ ( ﭘﺲ ﺍﮔﺮ ﺑﯿﭩﮭﻨﮯ ﮐﯽ ﻃﺎﻗﺖ ﻧﮧ ﮨﻮ ﺗﻮ ﭘﯿﭩﮫ ﮐﮯ ﺑﻞ ﻟﯿﭧ ﺟﺎﺋﮯ ﺍﻟﺦ ) ( ﺍﻟﺠﻮﮨﺮﺓ : ۱/ ۳۱۲ )
ﺍﻭﺭ ﺍﻟﺒﺤﺮﺍﻟﺮﺍﺋﻖ ﻣﯿﮟ ﮨﮯ ﮐﮧ : ﺍﮔﺮ ﺑﯿﭩﮭﻨﺎ ﺩﺷﻮﺍﺭ ﮨﻮﺟﺎﺋﮯ ﺗﻮ ﭼﺖ ﻟﯿﭧ ﮐﺮ ﯾﺎ ﺍﭘﻨﮯ ﺑﺎﺯﻭ ﭘﺮ ﻟﯿﭧ ﮐﺮ ﺍﺷﺎﺭﮮ ﺳﮯ ﭘﮍﮬﮯ ( ﺍﻟﺒﺤﺮﺍﻟﺮﺍﺋﻖ : ۲/ ۱۲۳ )
ﺍﺱ ﺗﻔﺼﯿﻞ ﺳﮯ ﺑﯿﻤﺎﺭﻭﮞ ﻭﻣﻌﺬﻭﺭﻭﮞ ﮐﻮ ﺷﺮﯾﻌﺖ ﮐﯽ ﺩﯼ ﮨﻮﺋﯽ ﺳﮩﻮﻟﺖ ﺍﻭﺭ ﺍﺳﯽ ﮐﮯ ﺳﺎﺗﮫ ﺍﺱ ﮐﯽ ﺷﺮﺍﺋﻂ ﮐﺎ ﺑﮭﯽ ﻋﻠﻢ ﮨﻮﮔﯿﺎ، ﺟﺲ ﮐﺎ ﺣﺎﺻﻞ ﯾﮧ ﻧﮑﻠﺘﺎ ﮨﮯ ﮐﮧ ﺍﻥ ﻓﺮﺍﺋﺾ ﮐﮯ ﺍﺩﺍ ﮐﺮﻧﮯ ﮐﯽ ﺟﺲ ﻗﺪﺭ ﻃﺎﻗﺖ ﻭﮔﻨﺠﺎﺋﺶ ﮨﮯ ﺍﺱ ﻗﺪﺭ ﺍﻥ ﮐﻮ ﺍﺩﺍ ﮐﺮﻧﮯ ﮐﯽ ﮐﻮﺷﺶ ﮐﺮﺗﮯ ﮨﻮﺋﮯ، ﺟﮩﺎﮞ ﻣﻤﮑﻦ ﻧﮧ ﮨﻮ ﯾﺎ ﻣﻤﮑﻦ ﺗﻮ ﮨﻮ ﻣﮕﺮ ﺯﯾﺎﺩﮦ ﭘﺮﯾﺸﺎﻧﯽ ﻭﺗﮑﻠﯿﻒ ﮨﻮﺗﯽ ﮨﻮ، ﻭﮨﺎﮞ ﺍﻥ ﻓﺮﺍﺋﺾ ﮐﻮ ﭼﮭﻮﮌﻧﮯ ﮐﯽ ﺍﻭﭘﺮ ﮐﯽ ﺗﻔﺼﯿﻞ ﮐﮯ ﻣﻄﺎﺑﻖ ﮔﻨﺠﺎﺋﺶ ﮨﮯ۔
ﮐﺮﺳﯽ ﭘﺮ ﻧﻤﺎﺯ ﮐﺎ ﻣﺴﺌﻠﮧ :
ﺍﺏ ﺳﻮﺍﻝ ﯾﮧ ﮨﮯ ﮐﮧ ﺍﮔﺮ ﮐﻮﺋﯽ ﺷﺨﺺ ﮐﺴﯽ ﻭﺟﮧ ﺳﮯ ﺯﻣﯿﻦ ﭘﺮ ﺑﯿﭩﮫ ﮐﺮ ﻧﻤﺎﺯ ﻧﮧ ﭘﮍﮪ ﺳﮑﺘﺎ ﮨﻮ؛ ﻟﯿﮑﻦ ﮐﺮﺳﯽ ﭘﺮ ﺑﯿﭩﮫ ﺳﮑﺘﺎ ﮨﮯ، ﺍﺱ ﮐﺎ ﮐﯿﺎ ﺣﮑﻢ ﮨﮯ؟
( ۱ ) ﻣﺜﻼً ﺍﯾﮏ ﺷﺨﺺ ﮐﺎ ﺍﯾﮑﺴﯿﮉﻧﭧ ﮨﻮﺍ ﺍﻭﺭ ﮐﻤﺮ ﻣﯿﮟ ﺭﺍﮈ ﺩﺍﺧﻞ ﮐﯽ ﮔﺌﯽ ﮨﮯ ﺟﺲ ﮐﯽ ﻭﺟﮧ ﺳﮯ ﻭﮦ ﮐﺮﺳﯽ ﭘﺮ ﺑﯿﭩﮫ ﺳﮑﺘﺎ ﮨﮯ؛ ﻣﮕﺮ ﺟﮭﮏ ﻧﮩﯿﮟ ﺳﮑﺘﺎ، ﺑﯿﭩﮫ ﻧﮩﯿﮟ ﺳﮑﺘﺎ ﺍﻭﺭ ﺭﮐﻮﻉ ﯾﺎ ﺳﺠﺪﮦ ﻧﮩﯿﮟ ﮐﺮﺳﮑﺘﺎ۔
( ۲ ) ﺍﯾﮏ ﺷﺨﺺ ﺍﺱ ﻗﺪﺭ ﮐﻤﺰﻭﺭ ﮨﮯ ﮐﮧ ﺍﭨﮭﻨﺎ ﺑﯿﭩﮭﻨﺎ ﺍﺱ ﮐﮯ ﻟﯿﮯ ﺩﺷﻮﺍﺭ ﮨﮯ، ﺍﮔﺮ ﺍﭨﮭﺘﺎ ﺑﯿﭩﮭﺘﺎ ﮨﮯ ﺗﻮ ﻧﺎﻗﺎﺑﻞ ﺑﺮﺩﺍﺷﺖ ﺗﮑﻠﯿﻒ ﻣﯿﮟ ﻣﺒﺘﻼ ﮨﻮﺟﺎﺗﺎ ﮨﮯ۔ ﻟﮩٰﺬﺍ ﻭﮦ ﮐﺮﺳﯽ ﭘﺮ ﺑﯿﭩﮫ ﮐﺮ ﺍﭘﻨﮯ ﮐﺎﻡ ﮐﺎﺝ ﮐﺮﺗﺎ ﮨﮯ ﺍﻭﺭ ﺍﺳﯽ ﻣﯿﮟ ﻧﻤﺎﺯ ﺑﮭﯽ ﭘﮍﮪ ﻟﯿﺘﺎ ﮨﮯ۔
( ۳ ) ﺍﯾﮏ ﺷﺨﺺ ﮐﻮ ﻣﻮﭨﺎﭘﮯ ﮐﯽ ﻭﺟﮧ ﺳﮯ ﺯﻣﯿﻦ ﭘﺮ ﺑﯿﭩﮭﻨﮯ ﻣﯿﮟ ﺷﺪﯾﺪ ﺗﮑﻠﯿﻒ ﮨﻮﺗﯽ ﮨﮯ، ﺍﮔﺮﭼﮧ ﻭﮦ ﭼﻞ ﺳﮑﺘﺎ ﮨﮯ ﺍﻭﺭ ﻗﯿﺎﻡ ﺑﮭﯽ ﮐﺮﺳﮑﺘﺎ ﮨﮯ؛ ﻣﮕﺮ ﺑﯿﭩﮫ ﻧﮩﯿﮟ ﺳﮑﺘﺎ، ﻟﮩٰﺬﺍ ﮐﺮﺳﯽ ﭘﺮ ﮨﯽ ﺍﺱ ﮐﻮ ﺍﭘﻨﮯ ﺗﻤﺎﻡ ﺩﻧﯿﻮﯼ ﮐﺎﻡ ﺑﮭﯽ ﮐﺮﻧﮯ ﭘﮍﺗﮯ ﮨﯿﮟ ﺍﻭﺭ ﻧﻤﺎﺯ ﺑﮭﯽ ﻭﮦ ﺍﺳﯽ ﭘﺮ ﭘﮍﮬﺘﺎ ﮨﮯ۔
( ۴ ) ﺍﯾﮏ ﺷﺨﺺ ﺍﺱ ﻗﺪﺭ ﮐﻤﺰﻭﺭ ﯾﺎ ﺑﯿﻤﺎﺭ ﮨﮯ ﮐﮧ ﺯﻣﯿﻦ ﭘﺮ ﺍﺯﺧﻮﺩ ﻧﮩﯿﮟ ﺑﯿﭩﮫ ﺳﮑﺘﺎ ﺍﻭﺭ ﺍﮔﺮ ﺑﯿﭩﮫ ﮔﯿﺎ ﺗﻮ ﺍﭨﮫ ﻧﮩﯿﮟ ﺳﮑﺘﺎ؛ ﺑﻠﮑﮧ ﺍﺱ ﮐﻮ ﺍﺱ ﺻﻮﺭﺕ ﻣﯿﮟ ﺍﯾﮏ ﺩﻭ ﺁﺩﻣﯿﻮﮞ ﺳﮯ ﻣﺪﺩ ﻟﯿﻨﯽ ﭘﮍﺗﯽ ﮨﮯ۔ ﺍﻭﺭ ﺑﻌﺾ ﺩﻓﻌﮧ ﮐﻮﺋﯽ ﺍﯾﺴﺎ ﺧﺎﺩﻡ ﯾﺎ ﺍﻋﺎﻧﺖ ﮐﺮﻧﮯ ﻭﺍﻻ ﻣﯿﺴﺮ ﻧﮩﯿﮟ ﮨﻮﺗﺎ؛ ﻟﮩٰﺬﺍ ﻭﮦ ﺍﺱ ﭘﺮﯾﺸﺎﻧﯽ ﮐﯽ ﻭﺟﮧ ﺳﮯ ﮐﺮﺳﯽ ﭘﺮ ﮨﯽ ﻧﻤﺎﺯ ﭘﮍﮪ ﻟﯿﺘﺎ ﮨﮯ۔
( ۵ ) ﺑﻌﺾ ﺑﯿﻤﺎﺭﯾﺎﮞ ﺍﯾﺴﯽ ﮨﻮﺗﯽ ﮨﯿﮟ ﺟﻦ ﻣﯿﮟ ﮈﺍﮐﭩﺮﻭﮞ ﮐﯽ ﮨﺪﺍﯾﺖ ﮨﻮﺗﯽ ﮨﮯ ﮐﮧ ﻧﯿﭽﮯ ﻧﮧ ﺑﯿﭩﮭﺎ ﺟﺎﺋﮯ، ﻭﺭﻧﮧ ﺑﯿﻤﺎﺭﯼ ﮐﮯ ﺑﮍﮪ ﺟﺎﻧﮯ ﮐﺎ ﺍﻧﺪﯾﺸﮧ ﮨﮯ، ﺍﺱ ﻭﺟﮧ ﺳﮯ ﺑﮭﯽ ﮐﺮﺳﯽ ﭘﺮ ﻧﻤﺎﺯ ﮐﯽ ﺿﺮﻭﺭﺕ ﮐﺴﯽ ﮐﻮ ﭘﯿﺶ ﺁﺳﮑﺘﯽ ﮨﮯ۔
ﻇﺎﮨﺮ ﮨﮯ ﺍﻥ ﺗﻤﺎﻡ ﺻﻮﺭﺗﻮﮞ ﺍﻭﺭ ﺍﺱ ﻃﺮﺡ ﮐﯽ ﺻﻮﺭﺗﻮﮞ ﻣﯿﮟ ﻋﺬﺭ ﻣﻌﻘﻮﻝ ﻣﻮﺟﻮﺩ ﮨﮯ ﺍﻭﺭﺍﺱ ﮐﺎ ﺍﻋﺘﺒﺎﺭ ﮐﺮﻧﺎ ﺷﺮﻋﺎً ﺑﮭﯽ ﺩﺭﺳﺖ ﮨﮯ؛ ﻟﮩٰﺬﺍ ﺍﺱ ﻗﺴﻢ ﮐﮯ ﺍﺻﺤﺎﺏِ ﺍﻋﺬﺍﺭ ﮐﻮ ﮐﺮﺳﯽ ﭘﺮ ﻧﻤﺎﺯ ﮐﯽ ﺍﺟﺎﺯﺕ ﮨﻮﻧﯽ ﭼﺎﮨﯿﮯ؛ ﮐﯿﻮﻧﮑﮧ ﺍﻭﭘﺮ ﺧﻮﺩ ﻓﻘﮩﺎﺀ ﮐﮯ ﮐﻼﻡ ﻣﯿﮟ ﯾﮧ ﺿﺎﺑﻄﮧ ﮨﻢ ﻧﮯ ﭘﮍﮪ ﻟﯿﺎ ﮨﮯ ﮐﮧ : ﻃﺎﻋﺖ ﺑﻘﺪﺭ ﻃﺎﻗﺖ ﮨﻮﺍ ﮐﺮﺗﯽ ﮨﮯ۔ ﺟﺐ ﺍﺱ ﻗﺴﻢ ﮐﮯ ﺍﻋﺬﺍﺭ ﻣﯿﮟ ﻧﯿﭽﮯ ﺑﯿﭩﮫ ﮐﺮ ﻧﻤﺎﺯ ﮐﯽ ﻃﺎﻗﺖ ﻧﮩﯿﮟ ﯾﺎ ﻧﯿﭽﮯ ﺑﯿﭩﮭﻨﺎ ﺑﮍﺍ ﻣﺸﮑﻞ ﮨﮯ ﺗﻮ ﮐﺮﺳﯽ ﭘﺮ ﭘﮍﮬﻨﮯ ﮐﯽ ﺍﺟﺎﺯﺕ ﺍﯾﮏ ﻣﻌﻘﻮﻝ ﺑﺎﺕ ﺑﮭﯽ ﮨﮯ ﺍﻭﺭ ﺍﺻﻮﻝ ﻓﻘﮩﯿﮧ ﮐﯽ ﺭﻭﺷﻨﯽ ﻣﯿﮟ ﺷﺮﻋﯽ ﺑﺎﺕ ﺑﮭﯽ ﮨﮯ۔
ﻟﯿﮑﻦ ﺍﺱ ﺟﮕﮧ ﻭﮨﯽ ﺩﻭ ﺑﺎﺗﯿﮟ ﺫﮨﻦ ﻧﺸﯿﻦ ﮨﻮﻧﯽ ﭼﺎﮨﺌﯿﮟ : ﺍﯾﮏ ﺗﻮ ﯾﮧ ﮐﮧ ﻋﺬﺭ ﻣﻮﺟﻮﺩ ﮨﻮ، ﺑﻼﻋﺬﺭ ﮐﺮﺳﯽ ﭘﺮ ﻧﻤﺎﺯ ﭘﮍﮬﻨﺎ ﮔﻨﺎﮦ ﺑﮭﯽ ﮨﮯ ﺍﻭﺭ ﺍﺱ ﮐﯽ ﻭﺟﮧ ﺳﮯ ﻧﻤﺎﺯ ﮨﻮﺗﯽ ﺑﮭﯽ ﻧﮩﯿﮟ،ﺍﻭﺭ ﺩﻭﺳﺮﯼ ﺑﺎﺕ ﯾﮧ ﮐﮧ ﻣﻌﻤﻮﻟﯽ ﺍﻭﺭ ﭼﮭﻮﭨﺎ ﻣﻮﭨﺎ ﻋﺬﺭ ﻧﮩﯿﮟ؛ ﺑﻠﮑﮧ ﻣﻌﻘﻮﻝ ﻭﺷﺮﻋﺎً ﻣﻌﺘﺒﺮ ﻋﺬﺭ ﮨﻮ، ﺟﺲ ﮐﺎ ﺧﻼﺻﮧ ﯾﮧ ﮨﮯ ﮐﮧ ﺯﻣﯿﻦ ﭘﺮ ﺑﯿﭩﮫ ﮐﺮ ﻧﻤﺎﺯ ﭘﮍﮬﻨﮯ ﮐﯽ ﯾﺎ ﺗﻮ ﺳﮑﺖ ﻭ ﻃﺎﻗﺖ ﮨﯽ ﻧﮧ ﮨﻮ، ﯾﺎ ﻃﺎﻗﺖ ﺗﻮ ﮨﻮ ؛ ﻣﮕﺮ ﺍﺱ ﺳﮯ ﻧﺎﻗﺎﺑﻞِ ﺑﺮﺩﺍﺷﺖ ﺗﮑﻠﯿﻒ ﻭ ﺩﺭﺩ ﮨﻮﺗﺎ ﮨﻮ، ﯾﺎ ﺯﻣﯿﻦ ﭘﺮ ﺑﯿﭩﮭﻨﮯ ﺳﮯ ﺑﯿﻤﺎﺭﯼ ﻭﺗﮑﻠﯿﻒ ﮐﮯ ﺑﮍﮪ ﺟﺎﻧﮯ ﮐﺎ ﺍﻧﺪﯾﺸﮧ ﮨﻮ۔ ﺍﺱ ﺻﻮﺭﺕ ﻣﯿﮟ ﮐﺮﺳﯽ ﭘﺮ ﻧﻤﺎﺯﮐﯽ ﺍﺟﺎﺯﺕ ﮨﮯ۔
ﻣﺤﻮﺭ ﺳﻮﻡ : ﻋﺬﺭ ﺳﮯ ﮐﺮﺳﯽ ﭘﺮ ﻧﻤﺎﺯ ﮐﮯ ﺟﻮﺍﺯ ﮐﯽ ﺩﻟﯿﻞ :
ﺍﺏ ﺭﮨﺎ ﯾﮧ ﺳﻮﺍﻝ ﮐﮧ ﻋﺬﺭ ﮐﯽ ﻭﺟﮧ ﺳﮯ ﮐﺮﺳﯽ ﭘﺮ ﻧﻤﺎﺯ ﮐﮯ ﺟﻮﺍﺯ ﮐﯽ ﺩﻟﯿﻞ ﮐﯿﺎ ﮨﮯ؟ ﺍﺱ ﻣﺴﺌﻠﮯ ﮐﯽ ﺩﻟﯿﻞ ﻣﯿﮟ ﺍﺣﻘﺮ ﮐﻮ ﺍﯾﮏ ﻓﻘﮩﯽ ﻧﻈﯿﺮ ﺑﮭﯽ ﺍﻟﺤﻤﺪﻟﻠﮧ ﻣﻞ ﮔﺌﯽ ﺟﺲ ﺳﮯ ﺍﺱ ﻣﺴﺌﻠﮯ ﭘﺮ ﺍﭼﮭﯽ ﻃﺮﺡ ﺭﻭﺷﻨﯽ ﭘﮍﺗﯽ ﮨﮯ۔ ﻭﮦ ﯾﮧ ﮐﮧ ﺣﻀﺮﺍﺕ ﻓﻘﮩﺎﺀ ﻧﮯ ﻟﮑﮭﺎ ﮨﮯ ﮐﮧ ﺑﻌﺾ ﺻﻮﺭﺗﻮﮞ ﻣﯿﮟ ﺳﻮﺍﺭﯼ ﮐﮯ ﺟﺎﻧﻮﺭ ﭘﺮ ﺑﯿﭩﮭﮯ ﮨﻮﺋﮯ ﺑﮭﯽ ﻧﻤﺎﺯ ﮐﯽ ﮔﻨﺠﺎﺋﺶ ﮨﮯ۔ ﻣﺜﻼً :
( ۱ ) ﮐﺴﯽ ﺟﮕﮧ ﺯﻣﯿﻦ ﻣﯿﮟ ﮐﯿﭽﮍ ﮨﯽ ﮐﯿﭽﮍ ﮨﮯ ﺍﻭﺭ ﻭﮨﺎﮞ ﺯﻣﯿﻦ ﭘﺮﺍﺗﺮﮐﺮ ﻧﻤﺎﺯ ﻧﮩﯿﮟ ﭘﺮﮬﯽ ﺟﺎﺳﮑﺘﯽ ﺗﻮ ﺍﯾﺴﯽ ﺟﮕﮧ ﺟﺎﻧﻮﺭ ﮨﯽ ﭘﺮ ﺑﯿﭩﮫ ﮐﺮ ﻧﻤﺎﺯ ﭘﮍﮬﯽ ﺟﺎﺳﮑﺘﯽ ﮨﮯ۔
( ۲ ) ﺍﺳﯽ ﻃﺮﺡ ﮐﺴﯽ ﮐﺎﺟﺎﻧﻮﺭ ﺳﺮﮐﺶ ﮨﮯ ﺟﺲ ﮐﯽ ﻭﺟﮧ ﺳﮯ ﺍﺱ ﭘﺮﺳﻮﺍﺭ ﮨﻮﻧﺎ ﮐﺎﺭﮮ ﺩﺍﺭﺩ، ﻟﮩٰﺬﺍ ﺍﮔﺮﺍﺱ ﺳﮯ ﺍﺗﺮﮔﺌﮯ ﺗﻮ ﺩﻭﺑﺎﺭﮦ ﺍﺱ ﭘﺮﺳﻮﺍﺭ ﮨﻮﻧﮯ ﻣﯿﮟ ﻣﺸﮑﻞ ﭘﯿﺶ ﺁﺋﮯ ﮔﯽ ﺗﻮ ﺍﺱ ﺟﺎﻧﻮﺭ ﮨﯽ ﭘﺮ ﻧﻤﺎﺯ ﭘﮍﮪ ﻟﯿﻨﮯ ﮐﯽ ﮔﻨﺠﺎﺋﺶ ﮨﮯ۔
( ۳ ) ﺍﺳﯽ ﻃﺮﺡ ﺍﮔﺮ ﺟﺎﻧﻮﺭ ﺳﮯ ﺍﺗﺮﻧﮯ ﮐﯽ ﺻﻮﺭﺕ ﻣﯿﮟ ﮐﺴﯽ ﭼﻮﺭ ﻭﮈﺍﮐﻮ ﯾﺎ ﺩﺭﻧﺪﮮ ﮐﯽ ﺟﺎﻧﺐ ﺳﮯ ﺟﺎﻥ ﮐﺎ ﺧﻄﺮﮦ ﮨﻮﺗﻮ ﺟﺎﻧﻮﺭ ﭘﺮ ﺑﯿﭩﮭﮯ ﮨﻮﺋﮯ ﻧﻤﺎﺯ ﺟﺎﺋﺰ ﮨﮯ۔
( ۴ ) ﺑﻮﮌﮬﺎ ﺁﺩﻣﯽ ﺟﺎﻧﻮﺭ ﭘﺮ ﺳﻮﺍﺭ ﮨﮯ ﺍﮔﺮ ﺍﺗﺮﮮ ﮔﺎ ﺗﻮ ﺩﻭﺑﺎﺭﮦ ﺑﯿﭩﮭﻨﺎ ﻣﺸﮑﻞ ﮨﮯ، ﺗﻮ ﺍﺱ ﮐﻮ ﺳﻮﺍﺭﯼ ﮨﯽ ﭘﺮ ﻧﻤﺎﺯ ﮐﯽ ﺍﺟﺎﺯﺕ ﮨﮯ۔
( ۵ ) ﮐﻮﺋﯽ ﺑﯿﻤﺎﺭﮨﮯ ﺍﻭﺭﺍﺱ ﮐﯽ ﻭﺟﮧ ﺳﮯ ﺳﻮﺍﺭﯼ ﺳﮯ ﺍﺗﺮ ﻧﮩﯿﮟ ﺳﮑﺘﺎﺗﻮ ﺍﺱ ﮐﻮ ﺑﮭﯽ ﺟﺎﻧﻮﺭ ﮨﯽ ﭘﺮ ﺳﻮﺍﺭ ﮨﻮﺗﮯ ﮨﻮﺋﮯ ﻧﻤﺎﺯ ﺟﺎﺋﺰ ﮨﮯ۔
ﮐﺮﺳﯽ ﭘﺮ ﻧﻤﺎﺯ ﮐﯽ ﻓﻘﮩﯽ ﻧﻈﯿﺮ :
ﺩﺭﺝ ﺫﯾﻞ ﻋﺒﺎﺭﺍﺕ ﻣﯿﮟ ﺍﻥ ﻣﺴﺎﺋﻞ ﮐﺎ ﺫﮐﺮ ﻣﻮﺟﻮﺩ ﮨﮯ :
ﺍﻟﺠﻮﮨﺮﺓ ﺍﻟﻨﯿﺮﺓ ﻣﯿﮟ ﺟﺎﻧﻮﺭﭘﺮ ﻧﻔﻞ ﻧﻤﺎﺯ ﺟﺎﺋﺰ ﮨﻮﻧﮯ ﮐﮯ ﻣﺴﺌﻠﮯ ﮐﮯ ﺿﻤﻦ ﻣﯿﮟ ” ﻧﻔﻞ ﻧﻤﺎﺯ “ ﮐﯽ ﻗﯿﺪ ﮐﯿﻮﮞ ﻟﮕﺎﺋﯽ ﮨﮯ، ﺍﺱ ﮐﺎ ﻓﺎﺋﺪﮦ ﺑﯿﺎﻥ ﮐﺮﺗﮯ ﮨﻮﺋﮯ ﻟﮑﮭﺘﮯ ﮨﯿﮟ :
” ﻷﻥ ﺍﻟﻤﮑﺘﻮﺑﺔَ ﻻ ﺗﺠﻮﺯُ ﻋﻠﯽ ﺍﻟﺪَّﺍﺑَّﺔِ ﺍﻻَّ ﻣﻦ ﻋُﺬﺭ، ﻭﮨﻮ ﺃﻥ ﯾَﺨَﺎﻑَ ﻣِﻦَ ﺍﻟﻨُّﺰُﻭﻝِ ﻋﻠﯽ ﻧﻔﺴِﮧ ﺃﻭ ﺩﺍﺑَّﺘِﮧ ﻣﻦ ﺳَﺒُﻊِ ﺃﻭ ﻟِﺺٍّ، ﺃﻭ ﮐَﺎﻥَ ﻓِﻲْ ﻃِﯿْﻦٍ ﺃﻭ ﺭَﺩﻏَﺔٍ ﻻ ﯾﺠﺪُ ﻋﻠﯽ ﺍﻷﺭﺽ ﻣﮑﺎﻧﺎ ﺟَﺎﻓّﺎً، ﺃﻭ ﮐﺎﻧﺖ ﺍﻟﺪﺍﺑﺔُ ﺟَﻤُﻮﺣﺎً ﻟﻮ ﻧَﺰَﻝَ ﻻ ﯾﻤﮑﻨﮧ ﺍﻟﺮُّﮐُﻮﺏ ﺍﻻّ ﺑﻤُﻌِﯿﻦ، ﺃﻭ ﮐﺎﻥ ﺷَﯿﺨﺎً ﮐﺒﯿﺮﺍً ﻻ ﯾُﻤﮑِﻨُﮧ ﻭﻻ ﯾَﺠِﺪُ ﻣَﻦ ﯾُﻌِﯿْﻨُﮧ ﻓﺘﺠﻮﺯُ ﺻﻼﺓُ ﺍﻟﻔَﺮﺽ ﻓﻲ ﮨﺬﮦ ﺍﻷﺣﻮﺍﻝ ﮐُﻠِّﮩﺎ ﻋﻠﯽ ﺍﻟﺪَّﺍﺑَّﺔ ․
( ﮐﯿﻮﻧﮑﮧ ﺑﻼﻋﺬﺭ ﺟﺎﻧﻮﺭ ﭘﺮ ﺑﯿﭩﮫ ﮐﺮ ﻓﺮﺽ ﻧﻤﺎﺯ ﺟﺎﺋﺰ ﻧﮩﯿﮟ ﮨﻮﺗﯽ، ﺍﻭﺭ ﻋﺬﺭ ﯾﮧ ﮨﮯ ﮐﮧ ﺟﺎﻧﻮﺭ ﺳﮯ ﺍﺗﺮﻧﮯ ﺳﮯ ﮐﺴﯽ ﺩﺭﻧﺪﮮ ﯾﺎ ﭼﻮﺭ ﮐﺎ ﺍﭘﻨﮯ ﺍﻭﭘﺮ ﯾﺎ ﺟﺎﻧﻮﺭ ﭘﺮ ﺧﻮﻑ ﮨﻮ، ﯾﺎ ﮔﺎﺭﺍ ﻭﮐﯿﭽﮍ ﮨﻮ ﺟﺲ ﺳﮯ ﺯﻣﯿﻦ ﭘﺮ ﮐﻮﺋﯽ ﺳﻮﮐﮭﯽ ﺟﮕﮧ ﻧﮧ ﭘﺎﺋﮯ، ﯾﺎ ﺟﺎﻧﻮﺭ ﺳﺮﮐﺶ ﮨﻮﮐﮧ ﺍﮔﺮ ﺳﻮﺍﺭﯼ ﺳﮯ ﺍﺗﺮﮮ ﺗﻮ ﺩﻭﺑﺎﺭﮦ ﺳﻮﺍﺭ ﮨﻮﻧﺎ ﺑﻐﯿﺮ ﮐﺴﯽ ﮐﯽ ﻣﺪﺩ ﮐﮯ ﻣﻤﮑﻦ ﻧﮧ ﮨﻮ، ﯾﺎ ﺑﻮﮌﮬﺎ ﺁﺩﻣﯽ ﮨﻮ ﺟﺲ ﮐﻮ ﺳﻮﺍﺭ ﮨﻮﻧﺎ ﻣﻤﮑﻦ ﻧﮧ ﮨﻮ ﺍﻭﺭ ﮐﻮﺋﯽ ﺳﻮﺍﺭ ﮐﺮﺍﻧﮯ ﻭﺍﻻ ﻧﮧ ﻣﻠﮯ، ﺗﻮ ﺍﻥ ﺗﻤﺎﻡ ﺍﺣﻮﺍﻝ ﻣﯿﮟ ﺟﺎﻧﻮﺭ ﭘﺮ ﺑﯿﭩﮭﮯ ﮨﻮﺋﮯ ﻓﺮﺽ ﻧﻤﺎﺯ ﺟﺎﺋﺰ ﮨﮯ ) ( ﺍﻟﺠﻮﮨﺮﺓ ﺍﻟﻨﯿﺮﺓ : ۱/ ۲۹۶ )
ﺍﻭﺭ ﯾﮩﯽ ﺑﺎﺕ ﺗﺒﯿﯿﻦ ﺍﻟﺤﻘﺎﺋﻖ ﻣﯿﮟ ﮨﮯ ﮐﮧ :
” ﻭَﮨِﻲَ ﺃﻥْ ﯾَﺨَﺎﻑَ ﻣِﻦَ ﺍﻟﻨُّﺰُﻭﻝِ ﻋﻠﯽ ﻧَﻔْﺴِﮧ ﺃﻭ ﺩَﺍﺑَّﺘِﮧ ﻣﻦ ﺳﺒﻊٍ ﺃﻭ ﻟِﺺٍ، ﺃﻭ ﮐَﺎﻥَ ﻓِﻲْ ﻃِﯿْﻦٍ ﺃﻭ ﺭَﺩَﻏَﺔٍ، ﻗﺎﻝ ﻓﻲ ﺍﻟﻤﺤﯿﻂ : ﯾﻐﯿﺐُ ﻭﺟﮩﮧ ﻓﯿﮩﺎ، ﻻ ﯾَﺠِﺪُ ﻣﮑﺎﻧﺎً ﺟَﺎﻓّﺎً، ﺃﻭ ﮐﺎﻧﺖ ﺍﻟﺪﺍﺑﺔُ ﺟَﻤُﻮﺣﺎً ﻟﻮ ﻧﺰﻝ ﻻ ﯾﻤﮑﻨﮧ ﺭﮐﻮﺑُﮩﺎ ﺍﻻ ﺑﻌَﻨَﺎﺀٍ، ﺃﻭ ﮐﺎﻥ ﺷﯿﺨﺎً ﮐﺒﯿﺮﺍً ﻻ ﯾﻤﮑﻨﮧ ﺃﻥ ﯾﺮﮐﺐَ ﻓﻼ ﯾﺠﺪُ ﻣَﻦْ ﯾُﻌِﯿْﻨُﮧ ﻋﻠﯽ ﺍﻟﺮُّﮐُﻮﺏِ، ﻓﺘﺠﻮﺯُ ﺻَﻼﺓُ ﺍﻟﻔﺮﺽ ﻓﯽ ﮨﺬﮦ ﺍﻷﺣﻮﺍﻝ ﮐُﻠِّﮩﺎ ﻋﻠﯽ ﺍﻟﺪَّﺍﺑَّﺔ ․“ ( ﺍﻭﺭ ﻋﺬﺭ ﯾﮧ ﮨﮯ ﮐﮧ ﺟﺎﻧﻮﺭ ﺳﮯ ﺍﺗﺮﻧﮯ ﺳﮯ ﮐﺴﯽ ﺩﺭﻧﺪﮮ ﯾﺎ ﭼﻮﺭ ﮐﺎ ﺍﭘﻨﮯ ﺍﻭﭘﺮ ﯾﺎﺟﺎﻧﻮﺭ ﭘﺮ ﺧﻮﻑ ﮨﻮ، ﯾﺎ ﮔﺎﺭﺍ ﻭﮐﯿﭽﮍ ﮨﻮ، ﺟﺲ ﻣﯿﮟ ﭼﮩﺮﮦ ﺭﮐﮭﻨﮯ ﺳﮯ ﺍﻧﺪﺭ ﺩﮬﺲ ﺟﺎﺋﮯ، ﺍﻭﺭ ﺯﻣﯿﻦ ﭘﺮ ﮐﻮﺋﯽ ﺳﻮﮐﮭﯽ ﺟﮕﮧ ﻧﮧ ﭘﺎﺋﮯ، ﯾﺎ ﺟﺎﻧﻮﺭ ﺳﺮﮐﺶ ﮨﻮ ﮐﮧ ﺍﮔﺮ ﺳﻮﺍﺭﯼ ﺳﮯ ﺍﺗﺮﮮ ﺗﻮ ﺩﻭﺑﺎﺭﮦ ﺳﻮﺍﺭ ﮨﻮﻧﺎ ﺑﻐﯿﺮ ﻣﺸﻘﺖ ﮐﮯ ﻣﻤﮑﻦ ﻧﮧ ﮨﻮ، ﯾﺎ ﮐﻮﺋﯽ ﺑﻮﮌﮬﺎ ﺁﺩﻣﯽ ﮨﻮ ﺟﺲ ﮐﻮ ﺳﻮﺍﺭ ﮨﻮﻧﺎ ﻣﻤﮑﻦ ﻧﮧ ﮨﻮ ﺍﻭﺭ ﮐﻮﺋﯽ ﺳﻮﺍﺭ ﮐﺮﺍﻧﮯ ﻭﺍﻻ ﻧﮧ ﻣﻠﮯ، ﺗﻮ ﺍﻥ ﺗﻤﺎﻡ ﺍﺣﻮﺍﻝ ﻣﯿﮟ ﺟﺎﻧﻮﺭ ﭘﺮ ﺑﯿﭩﮭﮯ ﮨﻮﺋﮯ ﻓﺮﺽ ﻧﻤﺎﺯ ﺟﺎﺋﺰ ﮨﮯ ) ( ﺗﺒﯿﯿﻦ ﺍﻟﺤﻘﺎﺋﻖ : ۲/ ۳۴۵ )
ﺍﻟﺒﺤﺮﺍﻟﺮﺍﺋﻖ ﺍﻭﺭ ﺭﺩﺍﻟﻤﺤﺘﺎﺭ ﻣﯿﮟ ﮨﮯ : ﻭَﮐﺬﺍ ﺍﻟﻤَﺮِﯾْﺾُ ﺍﻟﺮَّﺍﮐِﺐُ ﺍﺫَﺍ ﻟَﻢْ ﯾَﻘْﺪِﺭْ ﻋَﻠﯽ ﺍﻟﻨُّﺰُﻭﻝِ، ﻭَﻟَﺎ ﻋَﻠﯽٰ ﻣَﻦْ ﯾَﻨْﺰِﻟُﮧ ﺍﻟﺦ ( ﺍﺳﯽ ﻃﺮﺡ ﺟﻮ ﻣﺮﯾﺾ ﺳﻮﺍﺭ ﮨﻮ ﺟﺐ ﺳﻮﺍﺭﯼ ﺳﮯ ﺍﺗﺮﻧﮯ ﭘﺮ ﺍﻭﺭ ﺍﺗﺎﺭﻧﮯ ﻭﺍﻟﮯ ﭘﺮ ﻗﺪﺭﺕ ﻧﮧ ﮨﻮ ) ( ﺍﻟﺒﺤﺮﺍﻟﺮﺍﺋﻖ، ﺷﺎﻣﯽ : ۲/ ۹۶ )
ﺍﻻﺧﺘﯿﺎﺭ ﻟﺘﻌﻠﯿﻞ ﺍﻟﻤﺨﺘﺎﺭ ﻣﯿﮟ ﮨﮯ ﮐﮧ :
” ﻣﺮﯾﺾٌ ﺭﺍﮐﺐٌ ﻻ ﯾَﻘْﺪِﺭُ ﻋﻠﯽ ﻣَﻦْ ﯾُﻨﺰِﻟُﮧ ﯾُﺼَﻠِّﯽ ﺍﻟﻤﮑﺘﻮﺑﺔَ ﺭﺍﮐﺒﺎً ﺑﺎﯾﻤﺎﺀٍ، ﻭﮐﺬﻟﮏ ﺍﺫﺍ ﻟﻢ ﯾَﻘْﺪِﺭْ ﻋﻠﯽ ﺍﻟﻨُّﺰُﻭﻝ ﻟﻤَﺮَﺽٍ ﺃﻭ ﻣَﻄَﺮٍ ﺃﻭ ﻃﯿﻦٍ، ﺃﻭ ﻋَﺪُﻭٍّ ․“ ( ﻣﺮﯾﺾ ﺷﺨﺺ ﺟﻮ ﺳﻮﺍﺭﯼ ﭘﺮ ﺳﻮﺍﺭ ﮨﻮﺍ ﺍﮔﺮ ﺍﺗﺎﺭﻧﮯ ﻭﺍﻟﮯ ﭘﺮ ﻗﺪﺭﺕ ﻧﮧ ﮨﻮﺗﻮ ﻭﮦ ﻓﺮﺽ ﻧﻤﺎﺯ ﺳﻮﺍﺭﯼ ﮨﯽ ﭘﺮ ﺍﺷﺎﺭﮮ ﺳﮯ ﭘﮍﮪ ﻟﮯ، ﺍﺳﯽ ﻃﺮﺡ ﺍﺱ ﻭﻗﺖ ﺑﮭﯽ ﺟﺐ ﺳﻮﺍﺭﯼ ﺳﮯ ﺍﺗﺮﻧﮯ ﭘﺮﻣﺮﺽ ﮐﯽ ﻭﺟﮧ ﺳﮯ ﯾﺎ ﺑﺎﺭﺵ ﯾﺎ ﮔﺎﺭﮮ ﯾﺎ ﺩﺷﻤﻦ ﮐﯽ ﻭﺟﮧ ﺳﮯ ﻗﺪﺭﺕ ﻧﮧ ﮨﻮ ) ( ﺍﻻﺧﺘﯿﺎﺭ : ۱/ ۸۳ )
ﺍﻭﺭ ﺗﺤﻔﺔ ﺍﻟﻔﻘﮩﺎﺀ ﻣﯿﮟ ﮨﮯ ﮐﮧ : ” ﺃَﻣَّﺎ ﺍﻟْﻔَﺮْﺽُ ﻓَﯿَﺠُﻮْﺯُ ﻋَﻠﯽ ﺍﻟﺮَّﺍﺣِﻠَﺔِ ﺑِﺸَﺮْﻃَﯿْﻦِ : ﺃﺣَﺪُﮨُﻤﺎ ﺃﻥْ ﯾَﮑُﻮْﻥَ ﺧَﺎﺭِﺝَ ﺍﻟْﻤِﺼْﺮِ ﺳَﻮَﺍﺀٌ ﮐَﺎﻥَ ﻣُﺴَﺎﻓِﺮﺍً ﺃﻭ ﺧَﺮَﺝَ ﺍﻟﯽ ﺍﻟﻀﯿﻌﺔ ․ ﻭﺍﻟﺜﺎﻧﯽ ﺃﻥْ ﯾَﮑُﻮْﻥَ ﺑﮧ ﻋُﺬﺭٌ ﻣﺎﻧﻊٌ ﻣﻦ ﺍﻟﻨُّﺰُﻭﻝ ﻋﻦ ﺍﻟﺮﺍﺣﻠﺔ، ﺍﻟﺦ “ ( ﺭﮨﯽ ﻓﺮﺽ ﻧﻤﺎﺯ ﺗﻮ ﻭﮦ ﺳﻮﺍﺭﯼ ﭘﺮ ﺩﻭ ﺷﺮﻃﻮﮞ ﺳﮯ ﺟﺎﺋﺰ ﮨﮯ : ﺍﯾﮏ ﯾﮧ ﮐﮧ ﺷﮩﺮ ﺳﮯ ﺑﺎﮨﺮ ﮨﻮ ﺧﻮﺍﮦ ﺳﻔﺮ ﮐﯽ ﻭﺟﮧ ﺳﮯ ﯾﺎ ﺍﭘﻨﯽ ﺯﻣﯿﻦ ﮐﯽ ﺟﺎﻧﺐ ﺟﺎﻧﮯ ﮐﮯ ﻭﺍﺳﻄﮯ، ﺩﻭﺳﺮﯼ ﺷﺮﻁ ﯾﮧ ﮐﮧ ﺍﺱ ﮐﮯ ﺳﺎﺗﮫ ﻋﺬﺭ ﮨﻮ ﺟﻮ ﺳﻮﺍﺭﯼ ﺳﮯ ﺍﺗﺮﻧﮯ ﺳﮯ ﻣﺎﻧﻊ ﺑﻨﮯ ) ( ﺗﺤﻔﺔ ﺍﻟﻔﻘﮩﺎﺀ : ۱/ ۱۵۳ )
ﺍﻥ ﺗﻤﺎﻡ ﻋﺒﺎﺭﺍﺕ ﻣﯿﮟ ﺩﺍﺑﮧ ﯾﻌﻨﯽ ﺳﻮﺍﺭﯼ ﮐﮯ ﺟﺎﻧﻮﺭ ﭘﺮ ﻧﻤﺎﺯِ ﻓﺮﺽ ﮐﯽ ﺍﺟﺎﺯﺕ ﺩﯼ ﮔﺌﯽ ﮨﮯ، ﺍﻭﺭ ﺍﻥ ﺳﺐ ﮐﻮ ﻗﯿﺎﻡ ﻭﺭﮐﻮﻉ ﻭﺳﺠﻮﺩ ﮐﮯ ﺳﺎﻗﻂ ﮨﻮﻧﮯ ﮐﮯ ﻟﯿﮯ ﻋﺬﺭ ﻣﺎﻧﺎ ﮔﯿﺎ ﮨﮯ۔ ﺍﻭﺭ ﮨﺮ ﮐﻮﺋﯽ ﺟﺎﻧﺘﺎ ﮨﮯ ﮐﮧ ﺟﺎﻧﻮﺭ ﭘﺮ ﺑﯿﭩﮭﻨﮯ ﮐﯽ ﮨﯿﺌﺖ ﺗﻘﺮﯾﺒﺎً ﻭﮨﯽ ﮨﻮﺗﯽ ﮨﮯ ﺟﻮ ﮐﺮﺳﯽ ﭘﺮﺑﯿﭩﮭﻨﮯ ﮐﯽ ﮨﻮﺗﯽ ﮨﮯ، ﺍﻭﺭ ﺍﺱ ﭘﺮ ﻧﻤﺎﺯ ﮐﯽ ﺻﻮﺭﺕ ﺑﮭﯽ ﺗﻘﺮﯾﺒﺎً ﻭﮨﯽ ﮨﻮﺗﯽ ﮨﮯ ﺟﻮ ﮐﺮﺳﯽ ﭘﺮ ﻧﻤﺎﺯ ﮐﯽ ﮨﻮﺗﯽ ﮨﮯ، ﻟﮩٰﺬﺍ ﺍﻥ ﺍﻋﺬﺍﺭ ﻣﯿﮟ ﺟﺎﻧﻮﺭ ﭘﺮﻧﻤﺎﺯ ﮐﺎ ﺟﻮﺍﺯ ﺩﺭﺍﺻﻞ ﮐﺮﺳﯽ ﭘﺮ ﻧﻤﺎﺯ ﮐﮯ ﺟﻮﺍﺯ ﮐﯽ ﻭﺍﺿﺢ ﻧﻈﯿﺮ ﮨﮯ۔
ﺣﺪﯾﺚ ﻭﺁﺛﺎﺭ ﺳﮯ ﺍﺳﺘﺪﻻﻝ :
ﺍﻭﺭ ﻓﻘﮩﺎﺀ ﻧﮯ ﯾﮧ ﻣﺴﺌﻠﮧ ﺍﯾﮏ ﺣﺪﯾﺚ ﺳﮯ ﻣﺴﺘﻨﺒﻂ ﮐﯿﺎﮨﮯ، ﺟﺴﮯ ﺗﺮﻣﺬﯼ، ﺍﺣﻤﺪ، ﺑﯿﮩﻘﯽ ﺍﻭﺭ ﺩﺍﺭﻗﻄﻨﯽ ﻭﻏﯿﺮﮦ ﻣﺤﺪﺛﯿﻦ ﻧﮯ ﺣﻀﺮﺕ ﯾﻌﻠﯽ ﺑﻦ ﻣﺮﮦ ﺳﮯ ﺭﻭﺍﯾﺖ ﮐﯿﺎ ﮨﮯ، ﭼﻨﺎﻧﭽﮧ ﻭﮦ ﮐﮩﺘﮯ ﮨﯿﮟ ﮐﮧ :
ﺃﻥّ ﺭَﺳُﻮْﻝَ ﺍﻟﻠّٰﮧِ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﺍﻧْﺘَﮩٰﯽ ﺍﻟٰﯽ ﻣَﻀِﯿْﻖٍ ﮨُﻮَ ﻭَ ﺃَﺻْﺤَﺎﺑُﮧ، ﻭَﮨُﻮَ ﻋَﻠَﯽ ﺭَﺍﺣِﻠَﺘِﮧ، ﻭَﺍﻟﺴَّﻤَﺎﺀُ ﻣِﻦْ ﻓَﻮْﻗِﮩِﻢْ، ﻭَﺍﻟْﺒَﻠَّﺔُ ﻣِﻦْ ﺃﺳْﻔَﻠِﮩِﻢْ، ﻓَﺤَﻀَﺮَﺕِ ﺍﻟﺼّﻼَﺓُ، ﻓَﺄَﻣَﺮَ ﺍﻟْﻤُﻮٴَﺫِّﻥَ، ﻓَﺄَﺫَّﻥَ ﻭَﺃَﻗَﺎﻡَ، ﺛُﻢَّ ﺗَﻘَﺪَّﻡَ ﺭَﺳُﻮْﻝُ ﺍﻟﻠّٰﮧِ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﻋَﻠَﯽ ﺭَﺍﺣِﻠَﺘِﮧ، ﻓَﺼَﻠّٰﯽ ﺑِﮩِﻢْ ﯾُﻮٴْﻣِﻲْ ﺍﯾْﻤَﺎﺀً، ﯾَﺠْﻌَﻞُ ﺍﻟﺴُّﺠُﻮْﺩَ ﺃَﺧْﻔَﺾَ ﻣِﻦَ ﺍﻟﺮُّﮐُﻮْﻉِ “ ( ﺭﺳﻮﻝ ﺍﻟﻠﮧ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﺍﻭﺭ ﺁﭖ ﮐﮯ ﺻﺤﺎﺑﮧ ﺍﯾﮏ ﺗﻨﮓ ﺟﮕﮧ ﭘﮩﻨﭽﮯ ﺟﺒﮑﮧ ﺁﭖ ﺳﻮﺍﺭﯼ ﭘﺮ ﺳﻮﺍﺭ ﺗﮭﮯ،ﺍﻭﺭ ﺍﻭﭘﺮ ﺳﮯ ﺁﺳﻤﺎﻥ ﺑﺮﺱ ﺭﮨﺎ ﺗﮭﺎ ﺍﻭﺭﻧﯿﭽﮯ ﺗﺮﯼ ﻭﮐﯿﭽﮍ ﺗﮭﺎ، ﭘﺲ ﻧﻤﺎﺯ ﮐﺎ ﻭﻗﺖ ﺁﮔﯿﺎ ﺗﻮ ﺁﭖ ﻧﮯ ﻣﻮٴﺫﻥ ﮐﻮ ﺣﮑﻢ ﺩﯾﺎ ﺗﻮﺍﺱ ﻧﮯ ﺍﺫﺍﻥ ﺩﯼ ﺍﻭﺭ ﺍﻗﺎﻣﺖ ﮐﮩﯽ، ﭘﮭﺮ ﺁﭖ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﺍﭘﻨﯽ ﺳﻮﺍﺭﯼ ﭘﺮ ﺁﮔﮯ ﺑﮍﮬﮯ، ﺍﻭﺭ ﻟﻮﮔﻮﮞ ﮐﻮ ﺍﺷﺎﺭﮮ ﺳﮯ ﻧﻤﺎﺯ ﭘﮍﮬﺎﺋﯽ، ﺳﺠﺪﮮ ﮐﺎ ﺍﺷﺎﺭﮦ ﺭﮐﻮﻉ ﮐﮯ ﺷﺎﺭﮮ ﺳﮯ ﺯﯾﺎﺩﮦ ﭘﺴﺖ ﮐﯿﺎ ) ( ﺗﺮﻣﺬﯼ : ۴۱۱، ﻣﺴﻨﺪ ﺍﺣﻤﺪ : ۱۷۶۰۹، ﺳﻨﻦ ﺑﯿﮩﻘﯽ : ۲/ ۷ ، ﺩﺍﺭﻗﻄﻨﯽ : ۱۴۲۹ )
ﺍﺱ ﺣﺪﯾﺚ ﮐﮯ ﺑﺎﺭﮮ ﻣﯿﮟ ﻋﻠﻤﺎﺀ ﻣﺤﺪﺛﯿﻦ ﮐﺎ ﺍﺧﺘﻼﻑ ﮨﮯ ﮐﮧ ﯾﮧ ﮐﺲ ﺩﺭﺟﮯ ﮐﯽ ﮨﮯ؟ ﺍﻣﺎﻡ ﺗﺮﻣﺬﯼ ﻧﮯ ﮐﮩﺎ :
” ﮨﺬﺍ ﺣﺪﯾﺚٌ ﻏﺮﯾﺐٌ ﺗَﻔَﺮَّﺩَ ﺑِﮧ ﻋﻤﺮ ﺑﻦ ﺍﻟﺮﻣﺎﺡ ﺍﻟﺒﻠﺨﻲ، ﻻ ﯾُﻌْﺮَﻑُ ﺍﻻّ ﻣِﻦْ ﺣﺪﯾﺜِﮧ، ﻭﻗﺪ ﺭَﻭﯼٰ ﻋﻨﮧ ﻏﯿﺮُ ﻭﺍﺣﺪٍ ﻣِﻦْ ﺃﮨﻞِ ﺍﻟْﻌِﻠْﻢ “
ﺍﻭﺭ ﺍﺑﻦ ﺣﺠﺮ ﻧﮯ ” ﺍﻟﺘﻠﺨﯿﺺ ﺍﻟﺤﺒﯿﺮ “ ﻣﯿﮟ ﻟﮑﮭﺎ ﮐﮧ : ” ﻗﺎﻝ ﻋﺒﺪُ ﺍﻟﺤﻖ : ﺍﺳﻨﺎﺩُﮦ ﺻﺤﯿﺢٌ، ﻭﺍﻟﻨﻮﻭﯼ : ﺍﺳﻨﺎﺩُﮦ ﺣَﺴَﻦٌ، ﻭﺿﻌَّﻔَﮧُ ﺍﻟﺒﯿﮩﻘﻲ ﻭﺍﺑﻦُ ﺍﻟﻌﺮﺑﻲ ﻭﺍﺑﻦُ ﺍﻟﻘﻄﺎﻥ ﻟﺤﺎﻝ ﻋﻤﺮﻭ ﺑﻦ ﻋﺜﻤﺎﻥ “ ( ﺍﻟﺘﻠﺨﯿﺺ ﺍﻟﺤﺒﯿﺮ : ۱/ ۵۲۲ )
ﺍﻭﺭ ﺍﺑﻦ ﻋﺒﺪﺍﻟﺒﺮ ﻧﮯ ” ﺍﻟﺘﻤﮩﯿﺪ “ ﻣﯿﮟ ﮐﮩﺎ ﮐﮧ :
ﻟﯿﺲ ﺍﺳْﻨﺎﺩُﮦ ﺑِﺸَﯽﺀٍ ․ ( ﺍﻟﺘﻤﮩﯿﺪ : ۲۳ / ۶۱ )
ﻣﻌﻠﻮﻡ ﮨﻮﺍ ﮐﮧ ﺍﺱ ﮐﯽ ﺻﺤﺖ ﮐﮯ ﺑﺎﺭﮮ ﻣﯿﮟ ﺍﺧﺘﻼﻑ ﮨﮯ، ﺗﺎﮨﻢ ﺍﺱ ﮐﯽ ﺻﺤﺖ ﺣﻀﺮﺕ ﺍﻧﺲ ﺑﻦ ﻣﺎﻟﮏ ﮐﮯ ﺍﯾﮏ ﺍﺛﺮ ﺳﮯ ﮨﻮﺗﯽ ﮨﮯ؛ ﮐﯿﻮﻧﮑﮧ ﻣﺤﺪﺛﯿﻦ ﮐﮯ ﻧﺰﺩﯾﮏ ﺣﺪﯾﺚ ﮐﯽ ﺗﻘﻮﯾﺖ ﮐﺎ ﺍﯾﮏ ﺫﺭﯾﻌﮧ ﺁﺛﺎﺭ ﺻﺤﺎﺑﮧ ﮐﺎ ﺍﺱ ﮐﮯ ﻣﻮﺍﻓﻖ ﮨﻮﻧﺎ ﺑﮭﯽ ﮨﮯ۔
ﭼﻨﺎﻧﭽﮧ ﺍﻣﺎﻡ ﻃﺒﺮﺍﻧﯽ ﻧﮯ ﺣﻀﺮﺕ ﺍﺑﻦ ﺳﯿﺮﯾﻦ ﺳﮯ ﺭﻭﺍﯾﺖ ﮐﯿﺎ ﮨﮯ، ﻭﮦ ﮐﮩﺘﮯ ﮨﯿﮟ ﮐﮧ : ” ﺃَﻗْﺒَﻠَﻨَﺎ ﻣَﻊَ ﺃَﻧَﺲٍ ﻣِﻦَ ﺍﻟْﮑُﻮْﻓَﺔِ ﺣَﺘّٰﯽ ﺍِﺫَﺍ ﮐُﻨَّﺎ ﺑِﺄَﻃَّﻂٍ ﺃَﺻْﺒَﺤْﻨَﺎ ﻭَﺍﻷَﺭْﺽُ ﻃِﯿﻦٌ ﻭَﻣﺎﺀٌ، ﻓَﺼَﻠّٰﯽ ﺍﻟﻤَﮑﺘُﻮﺑَﺔَ ﻋَﻠَﯽ ﺩَﺍﺑَّﺘِﮧ “ ( ﮨﻢ ﺣﻀﺮﺕ ﺍﻧﺲ ﺑﻦ ﻣﺎﻟﮏ ﺭﺿﯽ ﺍﻟﻠﮧ ﻋﻨﮧ ﮐﮯ ﺳﺎﺗﮫ ﮐﻮﻓﮯ ﺳﮯ ﺁﺋﮯ ﯾﮩﺎﮞ ﺗﮏ ﮐﮧ ﺟﺐ ﮨﻢ ﺍﻃﯿﻂ ﻣﻘﺎﻡ ﭘﺮ ﺗﮭﮯ ﺗﻮ ﮨﻢ ﻧﮯ ﺍﺱ ﺣﺎﻝ ﻣﯿﮟ ﺻﺒﺢ ﮐﯽ ﮐﮧ ﺯﻣﯿﻦ ﻣﯿﮟ ﮐﯿﭽﮍﻭﭘﺎﻧﯽ ﺗﮭﺎ، ﭘﺲ ﺣﻀﺮﺕ ﺍﻧﺲ ﻧﮯ ﻓﺮﺽ ﻧﻤﺎﺯ ﺟﺎﻧﻮﺭ ﭘﺮﭘﮍﮬﯽ ) ( ﻣﻌﺠﻢ ﻃﺒﺮﺍﻧﯽ ﮐﺒﯿﺮ : ۱/ ۲۹۲ )
ﺍﻭﺭ ﻋﻼﻣﮧ ﮨﯿﺜﻤﯽ ﻧﮯ ﻣﺠﻤﻊ ﺍﻟﺰﻭﺍﺋﺪ ﻣﯿﮟ ﺍﺱ ﺣﺪﯾﺚ ﮐﮯ ﺑﺎﺭﮮ ﻣﯿﮟ ﻓﺮﻣﺎﯾﺎ ﮐﮧ : ” ﺭﻭﺍﮦ ﺍﻟﻄﺒﺮﺍﻧﯽ ﻓﯽ ﺍﻟﮑﺒﯿﺮ ﻭﺭﺟﺎﻟﮧ ﺛﻘﺎﺕ “ ( ﻣﺠﻤﻊ ﺍﻟﺰﻭﺍﺋﺪ : ۲/ ۱۹۲ )
ﺍﻭﺭ ﯾﮧ ﺣﺪﯾﺚ ﺩﻭﺳﺮﮮ ﺍﻟﻔﺎﻅ ﺳﮯ ﺍﻣﺎﻡ ﺍﺑﻦ ﺍﺑﯽ ﺷﯿﺒﮧ ﺍﻭﺭ ﺍﻣﺎﻡ ﻋﺒﺪﺍﻟﺮﺯﺍﻕ ﻧﮯ ﺑﮭﯽ ﺭﻭﺍﯾﺖ ﮐﯽ ﮨﮯ۔ ﺍﻣﺎﻡ ﻋﺒﺪﺭﺍﻟﺰﺍﻕ ﮐﮯ ﺍﻟﻔﺎﻅ ﯾﮧ ﮨﯿﮟ ﮐﮧ ﺍﺑﻦ ﺳﯿﺮﯾﻦ ﻧﮯ ﻓﺮﻣﺎﯾﺎ ﮐﮧ : ” ﮐُﻨْﺖُ ﻣَﻊَ ﺃَﻧَﺲِ ﺑْﻦِ ﻣَﺎﻟِﮏٍ ﻓِﯽْ ﯾَﻮْﻡٍ ﻣَﻄِﯿْﺮٍ ﺣَﺘّٰﯽ ﺍِﺫَﺍ ﮐُﻨَّﺎ ﺑِﺄَﻃِﯿْﻂٍ ﻭَﺍﻷﺭْﺽُ ﻓَﻀْﻔَﺎﺽٌ، ﺻَﻠّٰﯽ ﺑِﻨَﺎ ﻋَﻠٰﯽ ﺣِﻤَﺎﺭِﮦ ﺻَﻼَﺓَ ﺍﻟْﻌَﺼْﺮِ ﯾُﻮٴْﻣِﻲْ ﺑِﺮَﺃﺳِﮧ ﺍِﯾْﻤَﺎﺀً ﻭَﺟَﻌَﻞَ ﺍﻟﺴُّﺠُﻮْﺩَ ﺃَﺧْﻔَﺾَ ﻣِﻦَ ﺍﻟﺮُّﮐُﻮْﻉِ “ ( ﻣﺼﻨﻒ ﻋﺒﺪﺍﻟﺮﺯﺍﻕ : ۲/ ۵۷۳ )
ﺍﻭﺭ ﺍﺑﻦ ﺍﺑﯽ ﺷﯿﺒﮧ ﮐﮯ ﺍﻟﻔﺎﻅ ﺍﺱ ﻃﺮﺡ ﮨﯿﮟ ﮐﮧ ﺍﺑﻦ ﺳﯿﺮﯾﻦ ﻧﮯ ﮐﮩﺎ ﮐﮧ : ” ﺃَﻗْﺒَﻠْﺖُ ﻣَﻊَ ﺃَﻧَﺲٍ ﻣِﻦَ ﺍﻟْﮑُﻮْﻓَﺔِ ﺣَﺘّٰﯽ ﺍِﺫَﺍ ﮐُﻨَّﺎ ﺑِﺄَﻃَّﻂٍ، ﻭَﻗَﺪْ ﺃﺧَﺬَﻧَﺎ ﺍﻟﺴَّﻤَﺎﺀُ ﻗَﺒْﻞَ ﺫٰﻟِﮏَ، ﻭَﺍﻷﺭْﺽُ ﺿَﺤْﻀَﺎﺡٌ، ﻓَﺼَﻠّٰﯽ ﺃَﻧَﺲٍ ﻭَﮨُﻮَ ﻋَﻠٰﯽ ﺣِﻤَﺎﺭٍ ﻣُﺴْﺘَﻘْﺒِﻞَ ﺍﻟْﻘِﺒْﻠَﺔِ، ﻭَﺃَﻭْﻣَﺄَ ﺍِﯾْﻤَﺎﺀً، ﻭَﺟَﻌَﻞَ ﺍﻟﺴُّﺠُﻮْﺩَ ﺃَﺧْﻔَﺾَ ﻣِﻦَ ﺍﻟﺮُّﮐُﻮْﻉِ “ ( ﻣﺼﻨﻒ ﺍﺑﻦ ﺍﺑﯽ ﺷﯿﺒﮧ : ۲/ ۹۰ )
ﺟﺐ ﺣﻀﺮﺕ ﺍﻧﺲ ﮐﮯ ﻋﻤﻞ ﮐﺎ ﺻﺤﯿﺢ ﻃﻮﺭ ﭘﺮ ﺛﺒﻮﺕ ﮨﻮﮔﯿﺎ ﮐﮧ ﺍﻧﮭﻮﮞ ﻧﮯ ﺑﮭﯽ ﮐﯿﭽﮍﮐﯽ ﻭﺟﮧ ﺳﮯ ﺟﺎﻧﻮﺭ ﭘﺮ ﺑﯿﭩﮭﮯ ﺑﯿﭩﮭﮯ ﻧﻤﺎﺯ ﭘﮍﮬﯽ ﺗﻮ ﺍﺱ ﺳﮯ ﺍﻧﺪﺍﺯﮦ ﮨﻮﺗﺎﮨﮯ ﮐﮧ ﻭﮦ ﺍﻭﭘﺮ ﮐﯽ ﺣﺪﯾﺚ ﺑﮭﯽ ﺻﺤﯿﺢ ﮨﮯ؛ ﮐﯿﻮﻧﮑﮧ ﯾﮧ ﺣﺪﯾﺚ ﺍﺱ ﮐﯽ ﺗﺎﺋﯿﺪ ﮐﺮﺭﮨﯽ ﮨﮯ؛ ﻟﮩٰﺬﺍ ﺍﺱ ﺣﺪﯾﺚ ﺍﻭﺭ ﺣﻀﺮﺕ ﺍﻧﺲ ﺑﻦ ﻣﺎﻟﮏ ﮐﮯ ﺍﺛﺮ ﺳﮯ ﻣﻌﻠﻮﻡ ﮨﻮﺍ ﮐﮧ ﺿﺮﻭﺭﺕ ﭘﺮﺟﺎﻧﻮﺭ ﭘﺮ ﺑﯿﭩﮭﮯ ﺑﯿﭩﮭﮯ ﺭﮐﻮﻉ ﻭﺳﺠﺪﮮ ﮐﺎ ﺍﺷﺎﺭﮦ ﮐﺮﺗﮯ ﮨﻮﺋﮯ ﻧﻤﺎﺯ ﮨﻮﺳﮑﺘﯽ ﮨﮯ ﺍﻭﺭﺍﺱ ﮐﯽ ﮔﻨﺠﺎﺋﺶ ﮨﮯ، ﺍﻭﺭ ﺟﯿﺴﺎ ﮐﮧ ﻋﺮﺽ ﮐﯿﺎﮔﯿﺎ ﯾﮧ ﻧﻈﯿﺮ ﮨﮯ ﮐﺮﺳﯽ ﭘﺮ ﻧﻤﺎﺯﮐﯽ؛ ﻟﮩٰﺬﺍ ﻣﻌﻠﻮﻡ ﮨﻮﺍ ﮐﮧ ﺿﺮﻭﺭﺕ ﻭﻋﺬﺭ ﮐﯽ ﺑﻨﺎ ﭘﺮ ﮐﺮﺳﯽ ﭘﺮ ﻧﻤﺎﺯ ﺟﺎﺋﺰ ﮨﮯ۔
No comments:
Post a Comment